В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
27.02.2020, 13:20
28 февральдә көндез Казанда һава температурасы 5 градуска кадәр җылыначак
Синоптиклар юеш кар, яңгыр һәм томан фаразлый.
(Казан шәһәре KZN.RU, 27-нче февраль). 28-нче февральдә Казанда болытлы һава торышы көтелә. Юеш кар һәм яңгыр рәвешендәге явым-төшем фаразлана, урыны белән томан булырга мөмкин. Җил көньяктан, урыны белән көчәйгәндә тизлеге секундына 15-17 метрга кадәр җитәчәк. Төнлә һава температурасы 0-дән минус 2 градуска кадәр, көндез – 3-5 градус җылылык булачак. Юлларда бозлавык саклана.
Тулаем республика буенча юеш кар һәм яңгыр рәвешендәге явым-төшем көтелә, аерым районнарда – томан. Җил көньяктан уртача, көчле, урыны белән көчәйгәндә тизлеге секундына 15-17 метрга кадәр җитәчәк. Төнлә һава температурасы минус 1-дән +3 градуска кадәр, көндез +1-дән +6 градуска кадәр булачак, дип хәбәр итә ТР Гидрометеорология һәм әйләнә-тирә мохитне күзәтү идарәсе.
Шулай ук укыгыз
-
24.07.2025, 17:41 -
24.07.2025, 17:19 -
24.07.2025, 15:31 -
24.07.2025, 15:11