20 декабрьдә көндез Казан урамнарын 454 юл эшчесе һәм 264 махсус техника берәмлеге чистартачак

Тәүлек эчендә шәһәр юлларында 719 тонна бозлавыкка каршы материал кулланылган.

(Казан шәһәре KZN.RU, 20-нче декабрь). Узган тәүлектә Казан урамнарыннан 1240 тонна кар чыгарылган. Шәһәрне җыештыруга 498 юл эшчесе һәм 522 махсус техника, шул исәптән 149 катнаш юл машинасы, 10 кар төягеч, 155 трактор щеткасы, 8 грейдер, 70 фронталь төягеч, 46 «Барсик» мини-төягече, 75 үзбушаткыч һәм башка төр техника җәлеп ителгән.

Казан юлларында тәүлек эчендә 719 тонна бозлавыкка каршы материаллар кулланылган, шул исәптән 172 тонна реагент һәм 547 тонна ком-тоз катнашмасы.

Бүген көндез урамнарны җыештыруга 454 юл эшчесе һәм 264 махсус техника чыгачак, дип хәбәр итә Тышкы төзекләндерү комитеты.

Карны түбәндәге урамнардагы участоклардан чыгарачаклар: Аграр, Астрономия, Баруди, Батыршин, Бауман, Петр Витер, Габишев, Таҗи Гыйззәт, Дружба, Заря, Ипподром, Копылов, Королев, Космонавтлар, Кремль, Мәрҗани, Меридиан, Каюм Насыйри, Нариманов, Павлюхин, Пионер, Попов, Пушкин, Сибгат Хәким, Клара Цеткин, Чернышевский, шулай ук Мамадыш трактыннан һәм Ирек мәйданыннан.

Урамнарның башка участокларында кардан чистарту һәм тукталыш мәйданчыкларында, тротуарларда, керү һәм юл аша чыгу урыннарында ком сибү планлаштырылган.

Шулай ук укыгыз

Барлык яңалыклар