13 август көнне Казанда көндез һава +33 градуска кадәр җылыначак

Шимбә көнне республикада яңгыр фаразлана.

Фото: Денис Гордийко

(Казан шәһәре KZN.RU, 12-нче август). Якын көннәрдә Татарстанда һәм аның башкаласында коры һәм эссе һава торышы сакланачак. Республика эссе һава массасында антициклонның көнбатыш перифериясе йогынтысында кала. Ләкин ял көннәрендә салкын атмосфера фронты үткәндә яңгыр явачак.

Иртәгә, 13-нче август көнне, Казанда алмашынучан болытлы һава көтелә, явым-төшемсез. Көньяк-көнчыгыштан талгын җил, урыны белән тизлеге секундына 15-17 метрга кадәр җитәчәк. Алдагы төндә һава температурасы 19 градустан 21 градуска кадәр, түбән урыннарда –16-18 градус җылылык тәшкил итәчәк. Җомга көнне көндез һава +31-33 градуска кадәр җылыначак.

Гомумән алганда, республикада якындагы тәүлектә дә явым-төшем көтелми. Җил көньяк-көнчыгыштан уртача, көндез урыны белән көчле, секундына 15-17 метрга кадәр. Төнлә +11...+16 градус, көнбатыш районнарда – +21 градус, көндез +30...+35 градус булачак.

Шимбә көнне, 14-нче августта, салкын атмосфера фронты узу белән, республикада аязучан болытлы һава көтелә. Татарстан Республикасының күпчелек районнарында урыны белән яңгыр явачак, кайбер районнарда яшен булуы ихтимал. Төнлә +15...+20 градус, көндез көнбатышта +21...+26 градус, көнчыгыш районнарда +32 градус булуы көтелә.

Якшәмбе көнне, фронтның көнчыгышка чигенүе һәм атмосфера басымы үсү белән, явым-төшемнәр туктатылачак. Төнлә температура 10-15 градуска кадәр төшәчәк. Көндез синоптиклар +22...+27 градус җылылык фаразлыйлар.

Татарстан Республикасы Гидрометеорология үзәге фаразлары буенча, киләсе атна башында, атмосфера фронты якын булу сәбәпле, урыны белән яңгыр явуы ихтимал, температура фоны тагын бераз артачак.

Шулай ук укыгыз

Барлык яңалыклар