3 мартта ипподромда чаңгы ярышлары буенча Казан Мэры кубогы уза

Тамашачылар өчен күңел ачу программасы әзерләнә.

(Казан шәһәре KZN.RU, 2-нче март). 3 мартта “Казан” халыкара ат спорты комплексында чаңгы узышлары буенча Казан Мэры Кубогына Top sprint ярышлары узачак.

Ярашларга чаңгыда йөрергә яратучы 17 яшьтән узган кешеләр чакырыла. 1800 метрлы дистанциядә 200 кеше катнашыр, дип көтелә.

Тамашачылар өчен 14.00 сәгатьтән 18.00 сәгатькә кадәр мәдәни программа узачак. Ипподром территориясендә бу көнне 5 активлык зонасы бушлай эшләячәк. Биредә крио-тамашада (сыек азот белән тәҗрибәләр үткәрү һәм төрле предметлар белән фокуслар), “поролон көрәшендә”, гигант хоккейда (3 метрлы кәшәкәләр белән уйнау) һәм “Шаян хаски” эстафетасында катнашып булачак.

Мәдәни программа тамашачылар белән интерактивтан башланачак. Ярышлар вакытында концерт куелачак. Биредә Казан шәһәр филармониясе солистлары, фольклор коллективлар катнашачак . Иҗади номерлар белән казанлыларны “Ассорти” бию-тамашасы, “Геллер” татар халык ансамбле, “Салават күпере” халык бию ансамбле, “Задоринки” балалар хореография ансамбле, “7 нот” вокал студиясе укучылары, “Русская песня” халык хоры, шулай ук Нәфис Гаязов һәм Александр Аракчеев.

Ярышлар 12.00 сәгатьтә башланачак, мәдәни программа дәвам итәчәк. Чарага керү бушлай, дип хәбәр итә Физик Культура һәм спорт комитеты.

Шулай ук укыгыз

Барлык яңалыклар