Юдино, Красная Горка, Аракчино, Яңа Юдино һәм Калинино бистәләренә су китерүне оештыралар

Суүткәргеч аерылу нәтиҗәсендә су белән тәэмин итүне 21 сентябрь кич белән торгызырга планлаштыралар.

(Казан шәһәре KZN.RU, 21-нче сентябрь). Казанның Киров районында суүткәргеч аерылу урынында авария-торгызу эшләре башкарыла. Авария нәтиҗәсендә сусыз калган йортларга су китерәчәкләр. “Водоканал” МУП мәгълүматлары буенча, су белән тәэмин итү бүген кичкә торгызылачак.

ТР Гадәттән тыш хәлләр министрлыгы хәбәр иткәнчә, 500 мм диаметрлы торба аерылуы хакында мәгълүмат диспетчерлык хезмәтенә кич белән 22.00 сәгатьтә килгән. Аракчино шоссесында булган авария нәтиҗәсендә биш торак пунктта су бетте. 20 сентябрьдә су Юдино бистәсендә (62 күп фатирлы йортта, 2 мәктәптә, 5 балалар бакчасында, 1 пар казаны бинасында, 420 шәхси йортта), Красная Горка бистәсендә (315 шәхси йортта), Аракчино бистәсендә (447 шәхси йортта), Яңа Юдино бистәсендә (931 шәхси йортта), Калинино бистәсендә (367 шәхси йортта) туктатыла.

Суүткәргеч тайшалган, югары вольтлы электр тапшыру линияләре зонасында урнашкан. 900 метр озынлыктагы зарарланган торбаны алмаштыру бу елга планлаштырылган, дип хәбәр иттеләр “Водоканалда”.

Хәзерге вакытта урында төзекләндерү эшләре бара. “Водоканал” мәгълүматлары буенча, сү белән тәэмин итү бүген кичкә торгызылачак.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар