В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
07.09.2021, 14:37
Урман күлендә узачак экологик пикникта катнашучылар өчен бәйгеләр һәм мастер-класслар каралган
Уен формасындагы өмәгә 14 яшьтән 18 яшькә кадәрге казанлылар кушыла ала.
Фото: Казан шәһәре KZN.RU
(Казан шәһәре KZN.RU, 7-нче сентябрь). 11-нче сентябрьдә Казанда Урман күлендә «Пикник» эко-иҗат чарасы узачак, аңа 14 яшьтән 18 яшькә кадәрге кешеләр кушылырга мөмкин.
Балалар өчен уен формасында өмә, конкурслар, Авиатөзелеш районының яшүсмерләр клубларыннан мастер-класслар оештырыла. Концертта шәһәрнең иҗат коллективлары чыгышы көтелә.
Катнашучылар 12:00 сәгатьтә җыелачак, өмәнең башлану вакыты 13:00 сәгатьтә. 14:20 сәгатьтән 16:20 сәгатькә кадәр мастер-класслар, конкурслар һәм концерт узачак, дип хәбәр итә ТРдагы Рус географик җәмгыяте бүлекчәсе. Шәһәрлеләргә үзләре белән пледлар алып килергә киңәш итәләр.
Исегезгә төшерәбез, шулай ук 11-нче сентябрьдә Казанда «Урманга кергән саен...» дип исемләнгән өмә узачак. Барлык теләүчеләрне квест-уен форматында Юдинодагы Зөбәрҗәт күле территориясен чүп-чардан арындырырга чакыралар, башлана 10:00 сәгатьтә.
Шулай ук укыгыз
-
24.11.2025, 17:55 -
24.11.2025, 17:41 -
24.11.2025, 17:20 -
24.11.2025, 17:03