Инвалид балаларның ата-аналары өчен «Хокукый белемнәр мәктәбе» дәресләре үткәрәчәкләр

Белгеч адаптив физик культура һәм спорт белән шөгыльләнүне оештыру турында сөйләячәк.

Фото: Марат Мугинов

(Казан шәһәре KZN.RU, 12-нче июнь). Инвалид балаларның ата-аналары (законлы вәкилләре) өчен Россия Федерациясендә Балачак унъеллыгына багышланган Татарстан «Хокукый белем мәктәбе» дәресе оештырылачак.

Дәресне Республика спорт-җайлашу мәктәбе җитәкчесе Фәридә Сафиуллина үткәрәчәк. Ул Татарстанда инвалид балалар белән үткәрелә торган эш, алар өчен адаптив физик культура һәм спорт белән шөгыльләнүне оештыру турында сөйләячәк.

Татарстан Республикасында Кеше хокуклары буенча вәкаләтле вәкил каршындагы «Хокукый белемнәр мәктәбе» проекты инвалид балаларның ата-аналары (законлы вәкилләре) өчен 2020 елдан башлап 18 яшьтән өлкәнрәк инвалид һәм инвалид балаларның ата-аналары Бөтенроссия оешмасы ярдәме белән тормышка ашырыла. Ул түләүсез юридик ярдәм күрсәтүне һәм гражданнарны хокукый агарту эшен үз эченә ала, дип хәбәр итә Татарстан Республикасында Кеше хокуклары буенча вәкаләтле вәкил аппараты.

Дәрес 18-нче июньдә 11:00 сәгатьтә видеоэлемтә аша узачак. Катнашу өчен түбәндәге телефон буенча язылырга кирәк: +7(999)157-94-42. Исем-фамилия һәм элемтә өчен телефон номерын WhatsApp яки смс-хәбәр белән җибәрергә һәм билгеләнгән вакытта сылтама буенча Zoom конференциясенә кушылырга кирәк, ул соңрак җибәреләчәк. Алдан ук түбәндәге электрон адреска кыска сорау (мөрәҗәгать итү түгел) җибәрергә мөмкин: Adelina.Galiullina@tatar.ru, аңа җавап дәрес вакытында биреләчәк.

Шулай ук укыгыз

Барлык яңалыклар