Казанда хач ману йоласы өчен дүрт коену урыны әзерләнәчәк

Суны изгеләндерү 10:00 сәгатьтән 12:00 сәгатькә кадәр башкарылачак.

Фото: Денис Гордийко

(Казан шәһәре KZN.RU, 16 нчы гыйнвар, Татьяна Марюхова). 19 нчы гыйнварда Казан гыйбадәтханәләрендә төп православие бәйрәмнәренең берсе – Хач ману бәйрәме узачак. Шуннан соң дин тотучылар өчен купельләрдә традицион коену оештырылачак. Суны изгеләндерү 10:00 сәгатьтән 12:00 сәгатькә кадәр башкарылачак, дип хәбәр итте эшлекле дүшәмбе киңәшмәсендә шәһәр Башкарма комитетының Иҗтимагый оешмалар белән хезмәттәшлек бүлеге башлыгы Илнур Шакиров.

ТР башкаласында яшәүчеләр өчен дүрт купель әзерләнәчәк:

Югары Кабан күлендә, «Сокол» кафесы янында (Ферма шоссесы ягыннан);

Югары Кабан күлендә (Борисково ур., 54);

Никольск чиркәве янында, Идел елгасында (Красная Горка поселогы, Приволжская ур., 32);

Изге Мәрьям Ана иконасы хөрмәтенә төзелгән храм янындагы «Живоносный источник» купеле (Савиново торак массивы, 5 нче Кадыш ур., 12).

Илнур Шакиров хәбәр иткәнчә, коену урыннарында полиция һәм ашыгыч ярдәм бригадасы хезмәткәрләре, шулай ук ашыгыч ярдәм күрсәтү өчен кирәкле җиһазлары булган коткаручылар кизү торачак.