Казанлылар идентификация һәм аутентификация бердәм системасында хисап язмасын дистанцион раслый ала

Шулай ук хисап язмасын «Сбербанк Онлайн», «Тинькофф» һәм «Почта БанкОнлайн» кебек кредит оешмалары аша расларга мөмкин.

(Казан шәһәре KZN.RU, 15-нче апрель). Кайбер дәүләт һәм муниципаль хезмәтләрне алу өчен, дәүләт хезмәтләре сайтында теркәлүдән тыш, идентификация һәм аутентификация бердәм системасында үзләренең хисап язмасын расларга кирәк. Казанлылар идентификация һәм аутентификация бердәм системасында электрон формада хисап язмасын раслый алалар.

Исәп язуны раслау өчен РФ дәүләт хезмәтләре сайтында профилдән адресатка ике атна дәвамында китереләчәк «Россия почтасы» буенча шәхесне раслау коды белән хатка заказ бирергә мөмкин.

Тагын бер раслау ысулы - квалификацияле электрон имза яисә универсаль электрон карта, алар аккредитацияләнгән таныклаучы үзәкләр тарафыннан бирелә. Аккредитацияләнгән оешмаларның исемлеге белән сылтама буенча танышырга мөмкин.

Шулай ук хисап язмасын, әгәр кеше шул банкларның берсенең клиенты булса, «Сбербанк Онлайн», «Тинькофф» һәм «Почта БанкОнлайн» кебек кредит оешмалары аша расларга мөмкин.

Расланган хисап язмасы кайбер дәүләт хезмәтләрен алырга мөмкинлек бирәчәк - аерым алганда, эшсезлек буенча учетка басарга һәм «Россиядә - эш» порталы аша пособиеләр түләүләрен рәсмиләштерергә.

Күпчелек хезмәтләр өчен расланган хисап язмасы таләп ителми - әйтик, аннан башка кабул итүгә язылу, мөрәҗәгать җибәрү, документларны яки белешмәләрне алдан заказ бирү, пенсия калькуляторы ярдәмендә булачак пенсиянең якынча күләмен исәпләп чыгару өчен Пенсия фондына мөрәҗәгать итәргә мөмкин, дип хәбәр итә ТР буенча Пенсия фонды бүлеге матбугат хезмәте.

Шулай ук укыгыз

Барлык яңалыклар