Казан эшмәкәрләре өчен ачык ишекләр көне узачак

Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең ТР буенча идарәсе хезмәткәрләре үткәрәчәк консультациягә алдан язылу кирәк.

(Казан шәһәре KZN.RU, 10-нчы сентябрь). 17-нче сентябрьдә Россия кулланучылар хокукларын яклау һәм кеше иминлеге өлкәсендә күзәтчелек федераль хезмәтенең ТР буенча идарәсе Казан эшмәкәрләре өчен ачык ишекләр көне оештырачак. Кабул итү Большая Красная урамы, 30 һәм Сеченов урамы, 13а адреслары буенча узачак. Бизнес вәкилләре идарә компетенциясе кысаларында түләүсез консультация ала алачак.

Ачык ишекләр көнендә катнашу өчен түбәндәге телефон номерлары буенча алдан язылу кирәк: +7(843)238-60-62, +7(843)238-36-32. 14-16-нчы сентябрь көннәрендә 10.00 сәгатьтән 17.00 сәгатькә кадәр язылырга мөмкин, тәнәфес - 12.00 сәгатьтән 12.45 сәгатькә кадәр. Язылган вакытта үзеңне кызыксындырган сорауны күрсәтергә кирәк, дип хәбәр итә Россия кулланучылар хокукларын яклау һәм кеше иминлеге өлкәсендә күзәтчелек федераль хезмәтенең ТР буенча идарәсе матбугат хезмәте.

Консультациягә язылган эшмәкәрләрдән, идарәгә һәм аның республика җирлегендә урнашкан территориаль бүлекчәләренә кергәндә, шәхси саклану чараларыннан – битлек һәм респираторлардан булулары сорала.

Шулай ук укыгыз

Барлык яңалыклар