Җәмәгать туклануы өлкәсендәге Казан эшмәкәрләре өчен укыту семинары уздырылачак

Семинар Сеченов ур., 13а адресы буенча узачак.

(Казан шәһәре KZN.RU, 24-нче апрель). 25-нче апрельдә Казанда җәмәгать туклануы өлкәсендә эшләүче юридик затлар һәм шәхси эшмәкәрләр өчен семинар-киңәшмә узачак. Аны Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең ТР идарәсе хезмәткәрләре үткәрәчәк.

Белгечләр эшмәкәрләргә законнарның мәҗбүри таләпләрен үтәү, җәмәгать туклануы предприятиеләрендә хезмәт күрсәтү кагыйдәләре, кулланучылар хокуклары, азык-төлекне җиһазлауга, транспортлауга, саклауга карата мәҗбүри таләпләр һәм башкалар турында сөйләячәк.

Семинар Сеченов ур., 13а адресы буенча узачак, чара 14.00 сәгатьтә башлана, ә 13.30 сәгатьтә теркәлү узачак, дип хәбәр итә Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең ТР идарәсе.

Шулай ук укыгыз

Барлык яңалыклар