Республика ифтары кунаклары өчен Казан – Аэропорт – Казан юнәлешендә өстәмә шәһәр яны поездлары эшли башлаячак

Поездлар тукталышсыз хәрәкәт итәчәк.

Фото: Денис Гордийко

(Казан шәһәре KZN.RU, 21 нче апрель). 30 нчы апрельдә X Республика ифтары кунаклары өчен Казан – Аэропорт – Казан маршруты буенча өстәмә шәһәр яны поездлары йөриячәк.

Җәдвәлгә түбәндәге маршрутлар кертелә:

7602 нче номерлы Казан – Аэропорт поезды. Казан станциясеннән 8:22 сәгатьтә китә, Аэропорт станциясенә 8:47 сәгатьтә килә;

7604 нче номерлы Казан – Аэропорт поезды. Казан станциясеннән 17:45 сәгатьтә китә, Аэропорт станциясенә 17:05 сәгатьтә килә;

7606 нчы номерлы Казан – Аэропорт поезды. Казан станциясеннән 17:40 сәгатьтә китә, Аэропорт станциясенә 18:00 сәгатьтә килә;

7601 нче номерлы Аэропорт – Казан поезды. Казан станциясеннән 21:15 сәгатьтә китә, Аэропорт станциясенә 21:38 сәгатьтә килә;

7603 нче номерлы Аэропорт – Казан поезды. Казан станциясеннән 23:00 сәгатьтә китә, Аэропорт станциясенә 23:22 сәгатьтә килә.

Поездлар арадаш тукталышларсыз хәрәкәт итәчәк.

Моннан тыш, 30 нчы апрельдә бер көнгә 6708/6709 нчы номерлы Казан – Аэропорт – Казан шәһәр яны поездлары җәдвәлдән чыгарыла.

Барлык маршрутлар буенча тулырак мәгълүматны +7(937)625-04-33 телефоны буенча (тәүлек буе), транспорт компаниясе сайтында, «РЖД пассажирам» мобиль кушымтасында, кассаларда һәм тукталыш пунктларындагы мәгълүмат стендларында алырга мөмкин, дип хәбәр итә «Содружество» АҖ матбугат хезмәте.

Шулай ук укыгыз

Барлык яңалыклар