«Ак Барс» хоккей клубы җанатарлары өчен матчлардан соң бушлай автобуслар оештырыла

Түләмичә «Горьки шоссесы» һәм «Халитов урамы» тукталышларына кадәр барырга мөмкин

Фото: Денис Гордийко

(Казан шәһәре KZN.RU, 28 нче ноябрь). Һәр матчтан соң «Ак Барс» хоккей клубы җанатарлары өчен бушлай автобуслар йөриячәк.

Транспортка «Татнефть Арена» тукталышында утырырга мөмкин булачак. «Горьки шоссесы» һәм «Халитов урамы» тукталышларына кадәр түләмичә барырга мөмкин, дип хәбәр итте «Ак Барс» хоккей клубының матбугат хезмәте.

Исегезгә төшерәбез, бүген Казанда 19:00 сәгатькә кадәр 30 нчы маршрут буенча бер автобус бушлай йөри. Алгы тәрәзәдә «Зәкят» хәйрия фондыннан хәйрия маршруты» дигән такта урнаштырылган. Пассажирлар шулай ук QR-код буенча сәдака калдыра ала.

Шулай ук укыгыз

Барлык яңалыклар