Диетолог, невролог һәм педиатр Горький ис.паркта булачак әниләргә консультация бирәчәкләр

“Бала тап, Казан!” акциясендә 1 яшькә кадәрле балалары булган аналар катнаша ала.

(Казан шәһәре KZN.RU, 9-нчы август). Киләсе ял көнендә, 12 августта, Горький ис. паркка Казанның 1 яшькә кадәрле балалары булган аналарны һәм авырлы хатын-кызларны чакыралар – яшел аланда “Бала тап, Казан!” (“Рожай, Казань!”) дип аталган чара узачак.

Кунаклар өчен төрле чаралар әзерләнгән: ана капиталын алу һәм файдалану мәсьәләләре буенча консультация пункты ачылачак, табиблар лекцияләре узачак, ә невролог, диетолог һәм педиатр бушлай консультацияләр бирәчәкләр.

Балалар өчен хайваннар белән фотозона оештырыла, аквагрим булачак, олылар өчен – “Рәсем яса, Казан!” (“Рисуй, Казань!”) проекты кысаларында ачык һавада рәсем ясау һәм тематик мастер-класслар. Чара 16.00 сәгатьтән 19.00 сәгатькә кадәр узачак, дип хәбәр итә Татарстан Республикасы буенча Россия Пенсия фонды бүлеге.

Шулай ук укыгыз

Барлык яңалыклар