Пассажир кызны юл-транспорт һәлакәтеннән соң хастаханәгә салганнар

Шофер тизлекне арттырган һәм идарәне контрольдә тота алмый башлаган, кыз төрле дәрәҗәдәге җәрәхәтләр алган.

Фото: Казан шәһәре KZN.RU

(Казан шәһәре KZN.RU, 29 нчы август). Узган төнне «Лада» автомобиленең 39 яшьлек шоферы Тэцовская урамы буенча барган. Ир-ат тизлекне арттырган һәм идарәне контрольдә тота алмый башлаган, нәтиҗәдә киртәгә килеп бәрелгән. Юл-транспорт һәлакәтендә зыян күрүчеләр бар, ул – 24 яшьлек кыз. Зыян күрүче төрле дәрәҗәдәге җәрәхәтләр алган. Кызны хастаханәгә салганнар, шофер зыян күрмәгән.

Узган тәүлектә 96 юл-транспорт һәлакәте теркәлгән, шуларның икесендә зыян күрүчеләр бар, дип хәбәр итә Дәүләт автоинспекциясе. Административ җаваплылыкка 472 шофер һәм 139 җәяүле җәлеп ителгән. Автомобильчеләр куркынычсызлык каешларын кулланмаган, җәяүлеләргә хәрәкәттә өстенлек бирмәгән, балаларны дөрес йөртмәгән өчен тотылган, ә тугыз шофер исерек хәлдә руль артына утырган өчен тоткарланган.

Исегезгә төшерәбез, 21 нче августтан 10 нчы сентябрьгә кадәр балалар юл-транспорт травматизмнарын кисәтү өчен «Игътибар – балалар!» профилактик чарасы үткәрелә. Җиде ай эчендә Казанда балалар катнашында 81 юл-транспорт һәлакәте теркәлгән, аларда 87 сендә төрле дәрәҗәдәге җәрәхәтләр алучылар бар.

Шулай ук укыгыз

Барлык яңалыклар