Казан балалары өчен су буенча хәйрия экскурсияләре уздырылачак

Акциядә авыр чирләрдән дәваланучы 3-17 яшьлек балалар, шулай ук тулы булмаган яки тәрбиягә бала алган гаиләләрдә тәрбияләнүче яшүсмерләр катнашачак.

(Казан шәһәре KZN.RU, 9-нчы июль). Казанда «Хыялларны чынга ашыр» хәйрия проекты старт ала. Өч көн дәвамында – 22, 23 һәм 24 июльдә – профессионаллар командасы остазлар-эшмәкәрләр һәм республиканың танылган эшлеклеләре белән берлектә авыр тормыш шартларына дучар булган балалар өчен су буенча бушлай экскурсия уздырачак.

«Плюс Бер» корпоратив волонтерлык иҗтимагый оешмасы инициативасы буенча үткәрелә торган акциядә авыр чирләрдән дәваланучы 3 яшьтән алып 17 яшькә кадәрге балалар, шулай ук тулы булмаган яки тәрбиягә бала алган гаиләләрдә тәрбияләнүче яшүсмерләр катнашачак.

«Балаларны көн саен яңа, Казанны кызыклы яктан ача торган экскурсия көтә. Балалар куркыныч диагнозларны, катлаулы терапия һәм көндәлек проблемаларны түгел, ә хыял һәм игелекле эшләр яшәгән шәһәрне, күрәчәк», - диләр активистлар.

Авыр тормыш хәлендә калган балаларны проектка кушылырга чакыралар, моның өчен үз мәгълүматларын почта адресына җибәрергә кирәк: lejsan_shakirova@list.ru.

Теләкләре булган кешеләр шулай ук волонтерлар сыйфатында тылсымчылар командасына кушыла һәм балаларга хыялны тормышка ашырырга ярдәм итә алалар, аларга шулай югарыдагы адреска язарга кирәк, дип хәбәр итә Туризм үсеше комитеты.

Шулай ук укыгыз

Барлык яңалыклар