Лисичанск һәм Рубежныйдан килгән балалар Казандагы унынчы «Фиджитал-уеннар»да булдылар

Балалар УНИКС уенчылары Эрик Грин һәм Александр Стуленков катнашында автограф-сессиядә катнашты

Фото: ТР Спорт министрлыгының матбугат хезмәте

(Казан шәһәре KZN.RU, 16 нчы октябрь). Казандагы унынчы «Фиджитал-уеннар»да Лисичанск һәм Рубежныйдан 187 бала булды. Балалар «Заречье» сәламәтләндерү лагеренда ял итәләр.

9-13 нче октябрьдә балалар чемпионат матчларында булдылар, симуляторларда уйнадылар һәм үзләрен геймерлар ролендә сынап карадылар. Ә фиджитал-баскетбол буенча ярышларның соңгы көнендә егетләр УНИКС уенчылары Эрик Грин һәм Александр Стуленков катнашындагы автограф-сессиягә кушылды. Россиянең медиабаскетбол командасын Sick һәм 1heymax тәкъдим итте.

«Фиджитал-уеннар»га баруны «Бердәм Россия» партиясенең «Балалар спорты» һәм «Чикләрсез спорт» федераль проектларының төбәк координаторы, «Хезмәткә һәм оборонага әзер» илчесе Ольга Павлова һәм Казан шәһәр Думасы депутаты, «ФитнесСпорт» ҖЧҖ директоры урынбасары Марсель Шәрәпов оештырды.

Тема буенча материаллар:

Мәскәүдә һәм Казанда «Киләчәк уеннары» башлануга 300 көн калу уңаеннан кире хисапка старт бирелде

«Балалар үзләренең тәэсирләре белән актив уртаклаштылар һәм ярышларда җиңүчеләргә сораулар бирделәр. Күп кенә балалар Казанга беренче тапкыр гына килми, бу чара – без алар белән үткәрәчәк спорт вакыйгаларының бер этабы гына», – дип китерә Ольга Павлова сүзләрен ТР Спорт министрлыгының матбугат хезмәте.

Унынчы «Фиджитал-уеннар» 22 нче октябрьгә кадәр дәвам итәчәк. Ярышлар бөтенроссия һәм халыкара көрәшләрне үз эченә ала. «Фиджитал-уеннар» ТР башкаласында 2024 елда шәһәрдә узачак «Киләчәк уеннары» турниры алдыннан тест чаралары буларак үткәрелә. Ул 256 тәҗрибәле команданы һәм төрле илләрдән ике меңнән артык спортчыны берләштерәчәк. Турнир 16 гибрид дисциплина буенча ярышларны үз эченә ала.

Шулай ук укыгыз

Барлык яңалыклар