В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
20.09.2022, 15:30
Казан зооботаника бакчасындагы Африка антилопасы баласын Чили дип атаганнар
Исем сайлау буенча конкурста җиңүчегә бүләк-сувенир тапшырылачак.
Фото: Денис Гордийко
(Казан шәһәре KZN.RU, 20 нче сентябрь). Казан зооботаника бакчасы личи – Африка антилопасы өчен исем сайлау конкурсына йомгак ясады. Аны Чили дип атаганнар.
Соңгы сүзне зооботаника бакчасының «Тояклылар» бүлеге җитәкчесе Татьяна Буслова әйткән. «Личи-чили» сүзләрен уйнату зоопаркка килүчеләргә антилопа төрен дә истә калдырырга ярдәм итәчәк, дип саный ул. Конкурста җиңүчегә бүләк-сувенир тапшырылачак, дип хәбәр итә Казан зооботаника бакчасының матбугат хезмәте.
Исегезгә төшерәбез, Чили агымдагы елның 16 нчы июлендә туган. Аның әти-әнисе 2020 нче елның декабреннән «Замбези елгасы» зоопаркында яшиләр. Моңа кадәр зооботаника хезмәткәрләре антилопа баласына Немо дип эндәшкән.
Шулай ук укыгыз
-
24.07.2025, 12:00 -
24.07.2025, 11:22 -
23.07.2025, 17:46 -
23.07.2025, 17:27