Казан шәһәр Думасы депутатлары мөмкинлекләре чикләнгән кешеләрне эшкә урнаштыру буенча оешмаларның эшчәнлеге белән танышты

Казан шәһәр Думасы депутатлары мөмкинлекләре чикләнгән кешеләрне эшкә урнаштыру буенча оешмаларның эшчәнлеге белән танышты

<p> </p> <div class="detail-picture"> <img src="https://kzn.ru/upload/iblock/bd6/IGN-1829-870.jpeg"> <p class="detail-picture__caption"> Фото: Казан шәһәре KZN.RU </p> </div> (Казан шәһәре KZN.RU, 27 нче май). Казан шәһәр Думасы депутатларының чираттагы сессиягә әзерлек кысаларында шәһәрлеләрнең сәламәтлеген һәм әйләнә-тирә мохитне саклау, социаль-икътисади үсеш, эшмәкәрлек һәм муниципаль милек буенча даими комиссия әгъзалары кергән эшче төркеме сәламәтлекләре ягыннан мөмкинлекләре чикләнгән кешеләрнең тормыш сыйфатын күтәрү һәм алар өчен махсус хезмәт шартлары булдыру мәсьәләләрен өйрәнүне дәвам итәләр. <p> </p> <p> 27 нче майда Рафаэль Шәвәлиев җитәкчелегендәге депутатлар төркеме сәламәтлекләре буенча мөмкинлекләре чикләнгән кешеләрне эшкә урнаштыру белән танышты һәм «Агава» ҖЧҖ (Җиңү пр., 159) һәм Казанның «Вера» инвалидларның җирле иҗтимагый оешмасында (К. Маркс ур., 54б) булды. </p> <p> «Агава» ҖЧҖ персоналны сайлау хезмәте җитәкчесе Сергей Казаринов оешмада инвалидларны эшкә алу өчен билгеләнгән квота барлыгын билгеләп үтте. Шул рәвешле компаниядә 20 инвалид эшли, шуларның 8 е Казанда хезмәт итә. </p> <p> Казан шәһәр Думасы секретаре Альбина Рәфыйкова эшкә урнашканда оешмада кемгә өстенлек бирелүе белән кызыксынды. «Эш бирүче вакантлы вазыйфа таләпләренә туры килгән, һөнәри белемле, иң яхшы нәтиҗә белән тест узган кешене эшкә ала», – дип аңлатты Сергей Казаринов. </p> <p> Депутат Михаил Кузнецов инвалидлар өчен махсус хезмәт шартларын оештыру, эш бирүчеләр, шулай ук кече һәм урта бизнес эшмәкәрләре белән хезмәттәшлек итү мәсьәләләре белән мөрәҗәгать итте. Депутатлар мәшгульлек үзәгенә эш бирүчеләргә мәгълүмат бирү эшен көчәйтергә кирәк дигән фикергә килделәр. </p> <p> Казан шәһәренең «Вера» инвалидларның җирле иҗтимагый оешмасы рәисе Нина Кривова инвалидларны эш белән тәэмин итүгә ярдәм итү программаларында катнашу тәҗрибәсе белән уртаклашты. «Берләшмәдә 200 ләп инвалид бар, без алар өчен шартлар тудырабыз, аларга җәмгыятьнең барлык өлкәләрендә катнашу мөмкинлекләрен башка гражданнар белән бертигез тәэмин итәбез, инвалидларның хокукларын һәм мәнфәгатьләрен яклыйбыз», – дип хәбәр итте ул. </p> <p> Депутат Рафаэль Шәвәлиев, инвалидларга ярдәм итү чаралары буенча иҗтимагый оешмалар өчен укыту семинары оештырырга кирәк дип билгеләп үтте. </p> <p> Чара барышында яңгыраган барлык сорауларны һәм проблемаларны депутатлар контрольгә алды. </p> <p> Утырышта шулай ук «Казан халкын эш белән тәэмин итү үзәге» ДКУ директоры урынбасары Гөлнара Филиппова, шәһәр Башкарма комитетының социаль өлкә бүлекчәләрен координацияләү һәм үзара хезмәттәшлек итү бүлеге башлыгы Юлия Фәтхуллина һәм башкалар катнашты. </p>

2022-05-27T19:04:00+0300