Казан шәһәр Думасы депутатлары XIX сессиядә 2022 елга Татарстан башкаласы бюджетына үзгәрешләр кертте

Керемнәр буенча бюджет күләме – 36 млрд 428 млн сум, чыгымнар буенча 40 млрд 762 млн сум тәшкил иткән.

Фото: Марат Мөгыйнов

(Казан шәһәре KZN.RU, 19 нчы декабрь, Юлия Летникова). Бүген XIX сессиядә Казан шәһәр Думасы депутатлары Татарстан башкаласының 2022 елга бюджетына үзгәрешләр кертте. Карар проектын утырышта шәһәр Башкарма комитетының Финанс идарәсе башлыгы Ирек Мөхәммәтшин тәкъдим итте.

Үзгәрешләр кертүнең берничә сәбәбе бар, дип аңлатты докладчы. Татарстан Республикасы норматив актлары нигезендә шәһәргә бүлеп бирелгән түләүсез керемнәр суммасына бюджет керемнәре һәм чыгымнары 1 млрд 167,7 млн сумга арта. Шул исәптән Тышкы төзекләндерү объектларын карап торуга, урнаштыруга һәм ремонтлауга – 982,6 млн сум, муниципаль учреждениеләрне карап тотуга – 120 млн сум, түләүләр һәм грантлар – 46 млн сум, юллар төзелеше аркасында җир кишәрлекләрен алуга – 7,6 млн сум, тапшырылган дәүләт вәкаләтләренә субвенцияләр – 7 млн сум, гомумшәһәр чаралары – 4,4 млн сум.

Шулай ук керемнәр түләүсез керемнәр хисабына 13,7 млн сумга арта, алар район чараларын үткәрүгә тотылачак. ТР Финанслар министрлыгы хаты нигезендә 2022 елга муниципаль юл фондын формалаштыру өчен акцизлар 7,9 млн сумга арта.

Кертелгән үзгәрешләр нәтиҗәсендә 2022 елга Казан бюджеты керемнәр буенча – 36 млрд 428 млн сум, чыгымнар буенча – 4 млрд 334 млн сум дефицит белән 40 млрд 762 млн сум, каплау чыганагы булып ел башына шәһәр бюджеты акчалары тора.

Депутатлар шәһәр бюджетына кертелә торган үзгәрешләрне хупладылар.