Денис Калинкин COVID-19-га каршы көрәш буенча шәһәр штабы утырышын уздырды

Утырыш видеоконференцэлемтә режимында узды.

(Казан шәһәре KZN.RU, 4-нче апрель). Бүген Казан Башкарма комитетында коронавирус инфекциясе таралуга каршы гамәл кылу буенча штаб утырышы булды. Утырышны видеоконференцэлемтә буенча шәһәр Башкарма комитеты җитәкчесе Денис Калинкин уздырды.

Коронавирус инфекциясе белән авыручылар турында оператив мәгълүмат белән Татарстан Республикасы сәламәтлек саклау министры урынбасары - Татарстан Республикасы Сәламәтлек саклау министрлыгының Казан буенча идарәсе башлыгы Владимир Жаворонков чыгыш ясады. Аның сүзләренчә, вәзгыять тотрыклы саклана.

РФ Эчке эшләр министрлыгының Казан буенча идарәсе башлыгы Александр Мищихин шәһәр территориясендә хокук тәртибен тәэмин итү буенча мәгълүматлар белән бүлеште.

Башкарма комитет җитәкчесенең беренче урынбасары Рөстәм Гафаров дистанцион укыту системасын сынау эшен уздыру турында хәбәр итте, анда кичә 106 мең укучы катнашты. Гомумән алганда, укытучыларның укучылар белән дистанцион хезмәттәшлеге аерым зур проблемаларсыз узды.

Шәһәр сәүдә нокталарына азык-төлек продуктларын китерү белән бәйле вәзгыять турында Башкарма комитет җитәкчесе урынбасары Илдар Шакиров хәбәр итте. Китерелгән мәгълүматларга караганда, кибетләрдә азык-төлекнең төп төрләренә кытлык юк, теге яки бу төр ризыкка килеп туган ихтыяҗны кибетләр тиз арада тулыландыралар.

Моннан тыш, үз юнәлешләре буенча оператив мәгълүматны Башкарма комитет җитәкчесе урынбасары, торак-коммуналь хуҗалык мәсьәләләренә күзәтчелек итүче Искәндәр Гыйниятуллин һәм Башкарма комитет җитәкчесе урынбасары - Тышкы төзекләндерү комитеты рәисе Игорь Куляжев җиткерде. Аерым алганда, алар хокук саклау органнары хезмәткәрләренең шәһәргә керү урыннарында эш шартларын тәэмин итү буенча башкарылган эш турында хәбәр иттеләр.

Шәһәр штабының киләсе утырышы дүшәмбе көнне булачак, аны Казан Мэры Илсур Метшин үткәрәчәк.

Шулай ук укыгыз

Барлык яңалыклар