Денис Калинкин: «Кешеләр өчен куркыныч тудырган азык-төлекне сатудан алу - халыкны яклауның мөһим формасы»

Денис Калинкин: «Кешеләр өчен куркыныч тудырган азык-төлекне сатудан алу - халыкны яклауның мөһим формасы»

<p> <img width="870" src="https://www.kzn.ru/upload/iblock/828/DEN_3403.jpg" height="652"><br> </p> <p> (Казан шәһәре KZN.RU, 10-нчы февраль, Ксения Швецова). 2019 елда Казан дәүләт ветеринария хезмәте лабораторияләрендә 700 меңнән артык хайван һәм үсемлек продукциясенә экспертиза үткәрелгән. Белгечләр 24 мең тонна продукция тикшерде һәм 32 тонна сыйфатсыз азык-төлекне сатуга юл куймады. Ветеринария хезмәте хезмәткәрләре эшенә бәйле Казанлыларның өстәленә куркыныч һәм зарарланган продуктлар эләкми, шәһәр халкының иминлеге һәм сәламәтлеге алар эшчәнлеге белән бәйле, дип билгеләп үтте бүгенге эшлекле дүшәмбе вакытында Казан Башкарма комитеты җитәкчесе Денис Калинкин. </p> <h3>Шәһәрнең Дәүләт ветеринария хезмәте көненә 2 меңнән артык продукциягә тикшерү үткәрә</h3> <p> Узган ел Россиядә хайваннар арасында Африка дуңгыз чумасы, кош гриппы, нодуляр дерматит, бруцеллез һәм котыру белән авыручылар санының артуы белән билгеләп үтелде, дип билгеләп үтте «Дәүләт ветеринария берләшмәсе» Дәүләт бюджет учреждениесе башлыгы Тимур Галиев. Казанда кыргый төлкеләрдә котыру авыруының ике очрагы теркәлгән. Бу авыруларның таралуына юл куймас өчен, ветеринария хезмәте шәһәр районнары администрацияләре белән берлектә аеруча куркыныч авыруларны профилактикалау буенча комплекслы план нигезендә эшли. Шулай итеп, контроль астында булган продукция әйләнеше белән шөгыльләнә торган оешмалар белән очрашулар үткәрелә. </p> <p> Күзәтү астындагы йөкләрне кертү һәм чыгару, шулай ук 2015 елда гамәлгә кертү башланган һәм узган елның ноябрендә тәмамланган электрон ветеринария сертификациясе төп мәсьәләләр булып тора, дип билгеләп үтте Т.Галиев. Аның сүзләренә караганда, системада катнашучылар тарафыннан документларны рәсмиләштергәндә кулланылган хокук бозуларны ачыклау өчен мониторинг төркеме оештырылган. «Берләшмәдә контроль астында булган продукция әйләнеше белән шөгыльләнә торган предприятиеләргә ветеринария хезмәте күрсәтү бүлеге эшли. Аның төп бурычы булып, ветеринария таләпләренә туры килми торган продукция һәм хайваннар чималын кертүне булдырмау тора», - дип аңлатты спикер. </p> <p> Шәһәрдә шәһәргә керә торган продукцияне мониторинглау буенча даими эш алып барыла. Хәзерге вакытта ветеринария-санитария экспертизасы бүлекчәсе 9 лабораториядә һәм 14 контроль пунктта контрольлек итә. Ел дәвамында әлеге лабораторияләр тарафыннан 700 меңнән артык экспертиза үткәрелгән. Шулай ук берләшмә карамагында төрле төр продукцияләргә тулы күләмдә экспертиза үткәрергә мөмкинлек бирә торган җиһазлар комплексы белән күчмә лаборатория бар. Т.Галиев аңлатканча, мобиль лаборатория чатыр, авыл хуҗалыгы һәм тематик азык-төлек ярминкәләренә хезмәт күрсәтә, елына 86 меңнән артык экспертиза үткәрә. </p> <p> «24 мең тонна продукцияне тикшерү нәтиҗәсендә 32 тонна сыйфатсыз азык-төлек шәһәр базарларында сатуга кертелмәгән», - дип сөйләде спикер. Аның сүзләренә караганда, балыкта, иттә органик һәм паразитар үзгәрешләр, һәм үсемлек продукциясендә нитратларның артык микъдарда булуы сәбәп булып тора. </p> <p> «Шәһәрнең Дәүләт ветеринария хезмәте көн саен төрле продукция төрләренә 2 меңнән артык тикшерү үткәрә. Кешеләр өчен куркыныч тудырган азык-төлекнең сатудан алынуы – халыкны яклауның мөһим формасы», - дип шәрехләде Денис Калинкин. </p> <h3>«Ветеринария хезмәтләре эше - кешеләр күбрәк эшләгән саен, алар турында яңалыкларда азрак ишетелә торган очрак»</h3> <p> Ветеринария хезмәте Корбан бәйрәмен үткәргәндә дә эпизоотик иминлекне тәэмин итә. Т.Галиев сөйләвенчә, узган ел Казанда 6 мең корбан терлеге кертелүе контрольдә тотылган. Шуннан соң белгечләр карантинлаштыру, ветеринария-санитария контроле үткәрәләр. Терлекләрне сую махсус оештырылган мәйданчыкларда башкарыла. «Телләрне үстерү һәм иҗтимагый оешмалар белән хезмәттәшлек бүлеге белән берлектә без шәһәрлеләр өчен аңлату эшләре алып барабыз, - дип өстәде спикер. – Моннан тыш, узган ел 61 тонна биологик калдыкларны утильләштерү тикшерелде, 7 мең кв. метр мәйданда дезинфекция ясалды». </p> <p> Шулай ук сыйфатсыз продукция кертүне, йогышлы авырулар кертүне булдырмау өчен Казанга керү юлында Россельхознадзор территориаль идарәсе белән берлектә даими эшли торган ветеринария посты оештырылды. Т.Галеев аңлатуынча, анда хайваннар һәм үсемлекләр продукциясе ташый торган транспортны тәүлек буе контрольдә тоту алып барыла. Бер ел эчендә тәртип бозучыларга 174 беркетмә рәсмиләштерелгән һәм 344 мең сумлык штраф салынган. </p> <p> «Ветеринария хезмәтләре эше - кешеләр күбрәк эшләгән саен, без алар турында яңалыкларда азрак ишеткән очрак. Сезнең һөнәри осталыгыгызга һәм җаваплылыгыгызга шәһәрлеләрнең сәламәтлеге һәм иминлеге бәйле», - дип нәтиҗә ясады Д.Калинкин. </p>

2020-02-10T10:03:29+0300