Казанда Россия көне: патриотик онлайн-кинокуелышлар, флешмоблар һәм стрит-арт

Шәһәрдә төрле тематик акцияләр планлаштырылган, аларда халык инде хәзердән үк катнаша ала.

(Казан шәһәре KZN.RU, 10-нчы июнь). 12-нче июнь көнне Казан Россия көнен бәйрәм итүгә кушыла. Шәһәрдә төрле тематик акцияләр планлаштырылган, аларда халык инде хәзердән үк катнаша ала.

Россия көненә чаралар декадасын «Яшь Казан» онлайн-лагерында катнашучылар өчен рус бизәкләре төшерелгән палаткалар төзү буенча мастер-класс ачты. Балалар һәм яшүсмерләр үзләренең палаткаларын милли бизәкләр белән бизәделәр.

8-нче июньдә Казанда Россия көненә һәм Бөтендөнья донор көненә багышланган акция старт алды. Акциянең беренче көнендә генә дә донорлык атналыгында катнашучылар 38 литр кан тапшырдылар. Акция «Игелекле Казан» хәйрия проекты һәм DonorSearch.org ярдәме белән Республика кан үзәгендә барлык санитар-эпидемиологик нормаларны үтәү белән уза. Акциядә катнашучыларга сайтта теркәлү узарга кирәк.

8-нче июньнән Яшьләр һәм балалар эшләре комитетының һәм А.Гайдар исемендәге Казан яшьләр үзәгенең Instagram-аккаунтында Россия көненә багышланган онлайн-программа турында мәгълүмат бастырыла. Чаралар арасында #МЫРОССИЯ флешмобы, «Гражданлык имтиханы», милли гимнны гомумроссия башкару, Russiandance халыкара флешмобы, «Россия - туган як почмагы» конкурсы, «Гаилә өчен, Ватан өчен, Россия өчен» хор акциясе, «Россия кече ватаннан башлана» акциясе бар.

«Ышаныч» үзәге 8-нче июньнән 12-нче июньгә кадәр патриотик тематикага фильмнарны онлайн-күрсәтүләр сериясен уздыра, аннары ZOОM платформасында фикер алышу үтәчәк. Шулай ук оешма «Россия кече ватаннан башлана» онлайн-акциясенә кушылачак.

11-нче июньдә Татарстан башкаласында «Россияне яратам» акциясе старт ала, аның кысаларында 7 мең тасма-триколор тарату планлаштырыла. Ике көн дәвамында 11.00 сәгатьтән 13.00 сәгатькә кадәр һәм 14.00 сәгатьтән 16.00 сәгатькә кадәр волонтерлар аларны казанлыларга Бауман җәяүлеләр урамында бүләк итәчәк.

12-нче июньдә шәһәрнең яшьләр сәясәте учреждениеләре, шул исәптән яшүсмерләр клублары бөтенроссия #ОкнаРоссия һәм #ФлагиРоссии флешмобына кушылачак. Милли флаглар түбәндәге адреслар буенча урнашкан йортларга эленәчәк: 2-нче Газ ур., 5, 3-нче Кленовая ур., 23а, Арсланов ур., 11, Восстание ур., 38, 59а, 99а, Гаврилов ур., 22, Гагарин ур., 77б, Годовиков ур., 16, Горький шоссесы, 43, Ак.Губкин ур., 4, Гудованцев ур., 45а, Державин ур., 3/3, Зәкиев ур., 25, Ломжа ур., 15, Мәүләтов ур., 21, 72, Кече Мәскәү ур., 15, Мотор ур., 31а, Окольная ур., 94, Побежимов ур., 53, Рәхимов ур., 23, Симонов ур., 6, 17, Химиклар ур., 35, Чуйков ур., 27, 59а.

Шулай ук 12-нче июньдә Казан Бөтенроссия стрит-арт фестивале катнашучысы булачак. Бу көнне проектны Татарстан ур., 64 торак йорт фасадында төгәлләү планлаштырыла. Урам рәссамнары инде татар шагыйре Габдулла Тукай портретын ясый башлаган. Моннан тыш, Россия көнендә шәһәр ишегалларының берсендә «УРАМ» берләшмәсе вәкилләре шагыйрьнең Шүрәле, Су Анасы һәм башка әкият геройларын сурәтләячәк. Чараларны «Мәдәни инициативаларны үстерү үзәге» автоном коммерцияле булмаган оешмасы, «Таврида» АРТ-кластеры, ТР Яшьләр эшләре министрлыгы һәм «Иске шәһәр» префектурасы оештыра, дип хәбәр итә Балалар һәм яшьләр эшләре комитеты.

Шулай ук укыгыз

Барлык яңалыклар