Казан Кремлендә Җиңү көне: Гадел Кутуй хатлары, «Бабайга хат» акциясе һәм язучы Габдрахман Әбсаләмовның оныгы белән очрашу

Музей-тыюлык 9 Май хөрмәтенә бәйрәм онлайн-программасы әзерләгән.

(Казан шәһәре KZN.RU, 6-нчы май). «Казан Кремле» музей-тыюлыгы Бөек Ватан сугышында Җиңүнең 75 еллыгына багышланган бәйрәм программасын әзерләде. Барлык чаралар онлайн-форматта узачак.

Бу көннәрдә Казан халкына Бөек Ватан сугышы елларында музейларның ничек яшәве турында сөйләячәкләр. Шулай ук #Войналюбовьпобеда музейара акциясе татар шагыйре, хәрби корреспондент Гадел Кутуйның шәхси хатлары белән таныштырачак.

Җиңүгә өлеш кертүләре өчен ветераннарга «Бабайга хат», «Бөек көн - Бөек кешеләр» акцияләрендә, шулай ук «Хәтер уты» мастер-классында катнашып, рәхмәт белдерергә мөмкин булачак.

«Җиңүгә бер ай кала» төбәкара медиапроекты кысаларында язучы һәм «Ак чәчәкләр» романы авторының оныгы - «Идел» журналының баш мөхәррире Альбина Әбсәләмова белән онлайн-очрашу узачак.

Атна дәвамында социаль челтәрләрдәге рәсми төркемнәрдә Казан Кремле музейлары виртуаль экскурсияләр, лекцияләр, конкурслар, мастер-класслар һәм танылган кешеләр белән очрашулар уздырачак, дип хәбәр итә музей-тыюлыкның матбугат хезмәте.

Чараларның тулы программасы белән түбәндәге сылтама буенча танышырга мөмкин.

Шулай ук укыгыз

Барлык яңалыклар