Казанда фән көне: татарларның социаль телләре белән танышу һәм дару үләннәре турында белү

Бүген ТР Милли музеенда һәм аның филиалларында лекцияләр сериясе узачак, аларның кайберләренә керү бушлай

Фото: Денис Гордийко

Бүген Россиядә фән көне билгеләп үтелә – бу уңайдан ТР Милли музеенда һәм аның филиалларында төрле темаларга лекцияләр узачак. Тыңлаучылар архитектура һәм археология турында белә, Федор Шаляпин һәм Шамил Усманов иҗаты белән таныша, Гайднның энесен искә ала алачак һәм башкалар.

Шәриф Камалның мемориаль фатиры белән татар әдәбияты тарихы музеенда 18:00 сәгатьтә татарларның социаль телләре турында лекция укыячаклар.

Каюм Насыйриның «Чәчәкләр Һәм үләннәр» хезмәте нигезендә дару үсемлекләре турында14:00 сәгатьтәге лекциядә белергә мөмкин булачак. Очрашуны музей мөдире Кадрия Хәлимова үткәрә. Шәһәрлеләрне Париж Коммунасы урамы, 35 адресы буенча көтәчәкләр.

Евгений Боратынский музеенда (Горький урамындагы 25/28 нче йорт) 18:30 сәгатьтә «Карл Фукс – бөтен кеше яраткан яраткан зат» лекциясе узачак.

Нәҗип Җиһановның музей-фатирында 14:00 сәгатьтә «Иоганн Михаэль Гайдн: композитор һәм аның иҗаты» дигән лекция укыячаклар. Музей Малая Красная урамы, 14 адресы буенча урнашкан.

Язучы Шамил Усмановның биографиясен Муса Җәлилнең музей-фатирында белергә мөмкин булачак. Шамил Усманов турында филология фәннәре кандидаты Айрат Бик-Булатов сөйләячәк.

Габдулла Тукай әдәби музеенда (Тукай урамындагы 74 нче йорт) учреждение мөдире, филология фәннәре кандидаты Гүзәл Төхвәтованың чыгышын ишетергә мөмкин булачак. Ул «Габдулла Тукай: ничек бар, шулай» лекциясен укыячак. 14:00 сәгатьтә башлана.

Соңрак, 19:00 сәгатьтә, «Беренче пролетар операсы: «Эшче» язылуы тарихы турында» чарасы узачак. Аны Салих Сәйдәшев музее мөдире Айдар Әхмәдиев үткәрәчәк. Учреждение Горький урамы, 13 адресы буенча урнашкан.

Әлеге чараларга бушлай кереп була. Тулы программа сылтама буенча бастырылган, дип хәбәр иттеләр ТР Милли музеенда.

Шулай ук укыгыз

Барлык яңалыклар