Казаннан Дарья Белова сноуборд буенча Бөтенроссия ярышларында икенче урынны алды

Турнир Миасста 14-18 гыйнвар көннәрендә узды.

(Казан шәһәре KZN.RU, 22-нче гыйнвар). Казанның яшь сноубордчысы сноуборд буенча Бөтенроссия балалар ярышларында параллель слалом-гигант дисциплинасында икенче урынны алды. Турнир Миасста 14-18 гыйнвар көннәрендә узды. Балалар шулай ук параллель слаломада һәм сноуборд-кросста көч сынашты.

Әйтик, Казаннан Дарья Белова 2004-2005 елларда туган кызлар арасында параллель слалом-гигантта икенче булды. Моннан тыш, ярышларда Татарстан Республикасының башка вәкилләре дә призлы урыннарны алды: Александр Ефремов һәм Анна Болтаева.

Бөтенроссия бәйгесе Мәскәү, Ленинград, Чиләбе, Төмән, Новосибирск, Сахалин, Магадан өлкәләреннән, Пермь һәм Красноярск крайларыннан, Удмуртия Республикасыннан, Татарстан һәм Ханты-Манси автономияле округыннан 146 яшь спортчыны берләштерде, дип хәбәр итә Россия сноуборд федерациясе.

Шулай ук укыгыз

Барлык яңалыклар