Дамир Фәттахов ТР яшьләр эшләре министры вазыйфасына билгеләнде

Әлеге карарга ТР Президенты Рөстәм Миңнеханов кул куйды.

(Казан шәһәре KZN.RU, 22-нче июнь). Дамир Фәттахов ТР яшьләр эшләре министры вазыйфасына билгеләнде, дип әйтелә ТР Президентының 2018 елның 22 июнендә кабул ителгән УП-456 номерлы карарында. Икенче карар буенча Владимир Леонов ТР яшьләр эшләре һәм спорт министры вазыйфасыннан азат ителеп, ТР спорт министры вазыйфасына билгеләнде.

ТР Яшьләр эшләре һәм спорт министрлыгын үзгәртү турындагы карар кичә, 21 июньдә, ТР Дәүләт Советы тарафыннан хупланды, шуннан соң ТР Президентының УП-454 номерлы карары чыкты.

Тормыш юлы

Дамир Фәттахов 1979 елның 11 октябрендә Казанда туа.

Белеме: “Сколково” Мәскәү идарә мәктәбе, “Финанслар һәм кредит” белгечлеге буенча Казан (Идел буе) федераль университеты, Россия Эчке эшләр министрлыгының Казан юридик институты.

1997 – 2006 еллар – Татарстан Республикасының эчке эшләр органнарында хезмәт итә.

2006 - 2009 еллар – Казан Башкарма комитетының Балалар һәм яшьләр эшләре комитеты рәисе.

2009 елдан – Казанның Киров районы администрациясе башлыгы.

2010 годан – Казанның Киров һәм Мәскәү районнары администрациясе башлыгы.

2016 елдан – Казан Башкарма комитеты җитәкчесенең беренче урынбасары.

2018 елдан –ТР яшьләр эшләре министры.

Бүләкләре: “Эчке эшләр министрлыгында яхшы хезмәте өчен” күкрәк билгесе (2002), “Казанның 1000 еллыгы истәлегенә” медале (2005), Татарстан Республикасы Президенты М.Ш.Шәймиевның Рәхмәт хаты (2008), Казан Мэры И.Р.Метшин Рәхмәте (2010), Россия Федерациясенең Оборона министрлыгының “Хәрби бердәмлекне ныгыту өчен” медале (2011), Татарстан Республикасы Президенты Р.Н.Миңнехановның Рәхмәте (2012, 2014), “Казанда 2013 елгы XXVII Бөтендөнья җәйге Универсиада” истәлекле медале (2013), “Фидакарь хезмәте өчен” медале (2014), “Сочида 2014 елгы XXII Олимпия кышкы уеннары һәм XI Паралимпия уеннары” истәлекле медале (2014), Казанның Мактау грамотасы (2015).

Өйләнгән. Бер кызы һәм ике малае бар.

Шулай ук укыгыз

Барлык яңалыклар