Д.Калинкин ишегалларын капиталь төзекләндерү турында: «Иң мөһиме, кешеләр нәтиҗәне күрсен»

Казан Башкарма комитеты җитәкчесе Чуйков урамы буенча урнашкан 83, 85, 87 һәм 89-нчы номерлы йортларның ишегалдын комплекслы төзекләндерү барышы белән танышты.

(Казан шәһәре KZN.RU, 28-нче июль, Алена Мирошниченко). Бүген Казан Башкарма комитеты җитәкчесе Денис Калинкин Чуйков урамындагы 83, 85, 87 һәм 89-нчы номерлы йортларның ишегалдында капиталь ремонт барышын тикшерде. Биредә эшләр бер атна элек башланган, аларны сентябрь башына төгәлләү планлаштырыла.

Ишегалдына якын урнашкан тугыз катлы панель йортлар 80-нче елларның икенче яртысында төзелгән. Хәзер аларда ике меңнән артык кеше яши. Ишегалдын төзекләндерү биредә 15 ел элек үткәрелгән, әмма әлеге территория яңадан комплекслы төзекләндерү таләп итә һәм быел «Безнең ишегалды» республика программасына кертелгән.

«Уңайлы йорт» идарәче компаниясе җаваплылыгы чикләнгән җәмгыяте генераль директоры Марат Нуриев Казан Башкарма комитеты җитәкчесе Денис Калинкинга сөйләгәнчә, эшләр барышында биредә асфальт өслекне, шул исәптән җәяүлеләр өчен юлларны яңарту, кече архитектура формалары булган балалар мәйданчыгын урнаштыру, 57 яктырту терәген алыштыру һәм яктырткыч диодлы 38 яңа багана урнаштыру планлаштырыла.

Хәзерге вакытта ишегалдында иске асфальт өслекне, поребрикларны алына һәм яңа юл өслеге салына.

«Безнең республика Президенты Рөстәм Миңнехановка Казан ишегаллары өчен дә, Татарстанның барлык ишегаллары өчен дә моңарчы күрелмәгән бу программа өчен рәхмәт. 5 ел эчендә без шәһәрнең барлык ишегалларын ремонтларга тиеш. Киң күләмле эш көтә. Иң мөһиме, кешеләр нәтиҗәне күрсеннәр һәм шатлансыннар», - диде Денис Калинкин.

Исегезгә төшерәбез, быел Казанда «Безнең ишегалды» программасы кысаларында 200-дән артык ишегалды территориясен комплекслы төзекләндерү узачак. Ул асфальт-бетон өслекләрен ремонтлауны, юлларны киңәйтүне, машина кую мәйданчыкларын, тротуарларны, балалар мәйданчыкларын һәм кече архитектура формаларын урнаштыруны, тышкы яктырту челтәрләрен урнаштыруны күздә тота. Бүгенгә 96 объектта асфальт-бетон өслек ремонтланды, 85 ишегалдында эшләр дәвам итә.

Карауда шулай ук Башкарма комитет җитәкчесе урынбасары - Тышкы төзекләндерү комитеты рәисе Игорь Куляжев, Авиатөзелеш һәм Яңа Савин районнары администрациясе башлыгының беренче урынбасары Наил Галиев һәм башкалар катнашты.