Казанның 21 кешесендә COVID-19 расланган

Бер очрак читтән алып керелгән, калганнары инфекциялеләр белән элемтәдән соң авырый башлаганнар.

(Казан шәһәре KZN.RU, 2-нче июнь). Соңгы тәүлектә Татарстанда СОVID-19 авыруының 53 яңа очрагы расланды. Җиде кеше хастаханәгә озатылган, 46 кеше өйдә дәвалана - аларның авыруы симптомсыз яки җиңел формада уза.

Коронавирус инфекциясе таралуга каршы тору буенча республика оператив штабында хәбәр итүләренчә, бер очрак читтән алып керелгән, калганнары инфекциялеләр белән элемтәдән соң авырый башлаганнар.

Авыручылар арасында 2 балигъ булмаган бала бар, 8 кеше - 18 яшьтән 30 яшькә кадәр, 25 кеше - 30 яшьтән 50 яшькә кадәр, 8 кеше - 50 яшьтән 60 яшькә кадәр, 7 кеше - 60 яшьтән 70 яшькә кадәр, 3 кеше - 70 яшьтән 80 яшькә кадәр.
21 кеше Казанда яши, 10-сы - Чүпрәле районында, 9-ы - Яр Чаллыда, 4-се - Яшел Үзән районында. 2-шәр кеше - Әтнә һәм Питрәч районнарыннан, берәр кеше - Биектау, Лаеш, Түбән Кама районнарыннан.

2-нче июньгә Татарстанда барлыгы 3297 СОVID-19 авыруы теркәлгән, 10 кеше үлгән. Бөтен чорда республикада 2814 кеше савыккан, шул исәптән соңгы тәүлектә - 124 кеше.
Россиядә тәүлек эчендә коронавирус инфекциясе белән авыруның 8 мең 863 яңа очрагы расланган. Шул рәвешле, илдә барлыгы 423 мең 741 кеше авырган. Аларның 186 мең 985-е савыккан, 5037-се үлгән.

Шулай ук укыгыз

Барлык яңалыклар