ТР башкаласында II Казан халыкара юридик форумы эшли башлады

Форум эшендә РФ юстиция министры Константин Чуйченко, Дәүләт думасының Дәүләт төзелеше һәм законнар чыгару комитеты рәисе Павел Крашенинников, Федераль нотариаль палата президенты Константин Корсик катнаша

Фото: Марат Мөгыйнов

(Казан шәһәре KZN.RU, 27 нче сентябрь). Бүген Казанда II Казан халыкара юридик форумы старт алды, анда 600 дән артык кеше катнаша. Алар арасында хакимият органнары, юридик, педагогик һәм бизнес-берләшмә вәкилләре, 10 илдән һәм 30 дан артык шәһәрдән (Россия, Һиндстан, Кытай, Бразилия, Белоруссия, Казахстан, Үзбәкстан һ.б.) галимнәр бар. Масштаблы форумда РФ юстиция министры Константин Чуйченко, Дәүләт думасының Дәүләт төзелеше һәм закон чыгару комитеты рәисе Павел Крашенинников, Федераль нотариаль палата президенты Константин Корсик, Закон чыгару һәм чагыштырма хокук белеме институты директоры Талия Хәбриева, Казан Мэры Илсур Метшин һәм башкалар катнаша.

Темасы #МЫВПРАВЕ дип билгеләнгән форумның төп чаралары Бәшир Рәмиев исемендәге ИТ-паркта булачак. Форумның планер утырышында РФ Конституция суды рәисе Валерий Зорькин, РФ юстиция министры Константин Чуйченко, РФ Федераль җыены Дәүләт Думасы Төзелеш һәм законнар чыгару комитеты рәисе, Россия юристлары ассоциациясе рәисе Павел Крашенинников, Федераль нотариаль палата президенты Константин Корсик, Законнар чыгару һәм чагыштырма хокук белеме институты директоры Талия Хәбриева, Казан Мэры Илсур Метшин һәм башкалар спикерлар дип игълан ителде.

13:00 сәгатьтә «Төзелеш – икътисад үсешенең төп драйверы» сессиясе башланачак. Анда Россия фән һәм югары белем министры урынбасары Константин Могилевский, ТР Дәүләт Советы Рәисе Фәрит Мөхәммәтшин, ТР төзелеш, архитектура һәм торак-коммуналь хуҗалык министры Марат Айзатуллин, Россиянең баш дәүләт экспертизасы башлыгы Игорь Манылов, Казан Мэры Илсур Метшин, ТР Мәдәни мирас объектларын саклау комитеты рәисе Иван Гущин һәм башкалар катнашачак.

Шулай ук спикерлар арасында КФУ ректоры Ленар Сафин да бар. Тулы исемлек белән сылтама буенча танышырга мөмкин.

Фикер алышулар өч блокка бүленә: «Бизнес», «Дәүләт», «Фән һәм мәгариф». Беренчесендә кунакларга салым салу, банкротлык, күчемсез милек, ясалма интеллект, киберспорт һ.б. турында сөйләячәкләр. «Дәүләт» блогында Россиянең киләчәге, цифрлы технологияләр һәм илдә нотариатның роле турында сөйләшү алып барылачак. Соңгы блок Казан юридик мәктәпләренә һәм БРИКС, ШОС һәм ЕЭАС мисалларында халыкара-хокукый хезмәттәшлек векторларына багышланачак.

Казан федераль университетында берничә дискуссия узачак. Шулай ук Россия империясенең беренче юстиция министры Гавриил Державинның тууына 280 ел тулу уңаеннан аның истәлегенә багышланган сессия көтелә.

Форум программасы белән сылтама буенча танышырга мөмкин.

Форумны Татарстан Республикасы, Казан Мэриясе, КФУ, Россия юристлары ассоциациясе һәм КФУның юридик факультетын тәмамлаучылар ассоциациясе оештыра.