«Чиста уеннар» Казанның «Локомотив» пляжында узачак

Экологик ярышларда җиңүче команданы җыелган чүп күләме буенча гына түгел, ә викторина нәтиҗәләре һәм калдыкларны сортлау күнекмәләре буенча да билгеләячәкләр.

Фото: Казан шәһәре KZN.RU

(Казан шәһәре KZN.RU, 23-нче сентябрь). Казанлылар көзге «Чиста уеннар»да катнаша ала. Ярыш форматындагы өмә якындагы шимбә көнне, 25-нче сентябрьдә, «Локомотив» пляжында узачак. Акциянең үзенчәлеге шунда ки, җиңүчеләрне җыеп алынган чүп-чар күләме буенча гына түгел, ә экологик викторина нәтиҗәләре һәм калдыкларны дөрес сортларга аеру күнекмәләре буенча да билгеләячәкләр.

Көн дәвамында катнашучылар пляжны чүп-чардан чистартачак, калдыкларны аерым җыю һәм аларны утильләштерү кагыйдәләре турында беләчәк, табышмаклар чишү, капкач ыргыту кебек экологик активлыкларда катнашачак. Командаларга баллар өстәләчәк, ә җиңүчеләр бүләкләр алачак.

Чара программасы

10:50 – катнашучылар «Локомотив» пляжында җыела (геонокталар 55.787945690452325, 49.0951538859375);

11:00 – командаларны теркәү, танып белү экологик активлыгы;

11:45 – инструктаж;

12:00 – уенның башлану вакыты;

13:00 – уенның тәмамлану вакыты;

13:30 – пикник;

13:50 – җиңүчеләрне игълан итү һәм бүләкләү.

Катнашу өчен үз командаңа 12 яшьтән өлкәнрәк булган бердән алып дүрт кешегә кадәр җыярга һәм сылтама буенча теркәлергә кирәк. Оештыручыларга акция көнендә җылы кием һәм уңайлы аяк киеме кияргә, шулай ук кайнар эчемлекләр белән термослар алырга киңәш итәләр. Инвентарь: капчыклар, перчаткалар, саклык битлекләре һәм антисептикларны урында бирәчәкләр. Команда әгъзаларының берсендә генә булса да, интернетка тоташтырылган корылган смартфоны булырга тиеш. Бу «Чиста уеннар» дәвамында нәтиҗәләр теркәләчәк һәм баллар исәпләнәчәк шул ук исемдәге кушымтаны урнаштыру һәм куллану өчен кирәк. Акциядә катнашу бушлай.

Шулай ук укыгыз

Барлык яңалыклар