Бер айдан суда йөзә торган, сазлык-болын, кыр һәм дала киек кошларына, шулай ук тәлләтәвечкә ау сезоны ачыла

Каурыйлы кошларны аулауга рөхсәт алу өчен гаризалар ТР күп функцияле үзәк филиалларында 26-нчы августтан башлап кабул ителәчәк.

(Казан шәһәре KZN.RU, 7-нче август). Нәкъ бер айдан соң, 7-нче сентябрьдә, казанлылар суда йөзә торган, сазлык-болын, кыр һәм дала киек кошларына, шулай ук тәлләтәвечкә ау башлый алалар.

Җәйге-көзге ау сезонын үткәрмәс өчен, шәһәр халкына, ТР күп функцияле үзәк филиалларында, һәркемгә керергә рөхсәт ителгән аучылык җир-суларыннан каурыйлы кошларны аулауга рөхсәт алырга кирәк. Гаризалар 26-нчы августтан кабул ителәчәк. Моның өчен үзең белән гариза, паспорт, аучылык билетының төп нөсхәләре һәм рөхсәтнамә алу өчен дәүләт пошлинасын түләү квитанцияләре булырга тиеш. Шәхесне раслаучы документ һәм гади язма формада ышаныч кәгазе нигезендә рөхсәтнамәне гариза бирүче вәкиле дә алырга мөмкин, дип хәбәр итә Татарстан Республикасының Биологик ресурслар буенча дәүләт комитеты.

Исегезгә төшерәбез, 15-нче августта Татарстанда бурсыкларга ау сезоны ачыла. Республика халкы ауга рөхсәтне күп функцияле үзәк офисларында ала алачак – хезмәт 5-нче августтан башлап ачык булачак.

Шулай ук укыгыз

Барлык яңалыклар