Казанда спорт гимнастикасы буенча Татарстан Республикасы чемпионаты һәм беренчелеге узачак

Ярышлар йомгаклары буенча Татарстан җыелма командасы исемлеге яңартылачак.

Фото: Казан шәһәре KZN.RU

(Казан шәһәре KZN.RU, 12-нче февраль). 15-20-нче февральдә Казанда спорт гимнастикасы буенча Татарстан Республикасы чемпионаты һәм беренчелеге узачак. 7 команда составында Әлмәт, Яшел Үзән, Казан, Яр Чаллы һәм Түбән Кама шәһәрләреннән 149 спортчы чыгыш ясаячак.

Гимнастика үзәгендә узачак Татарстан Республикасы чемпионатында хатын-кызлар (2005 елда туган һәм аннан өлкәнрәк) һәм ир-атлар (2003 елда туган һәм өлкәнрәк) катнашачак, ә Татарстан Республикасы беренчелегендә бүләкләр комплектлары яшүсмер кызлар – спорт мастерлары (2006-2007 елда туган), спорт мастерына кандидатлар (2008 елда туган), яшүсмер егетләр – спорт мастеры (2004-2005 елда туган) һәм спорт мастерына кандидатлар (2006-2007 елда туган) арасында уйнатылачак. Мәҗбүри һәм ирекле программалар белән шулай ук 2009-2010 елгы (1 разряд), 2011 елгы (2 разряд) кызлар, 2008-2009 елгы (1 разряд), 2010 елгы (2 разряд) егетләр чыгыш ясаячак.

Спорт гимнастикасы буенча ярышлар нәтиҗәләре буенча Татарстан җыелма командасы исемлеге яңартылачак, дип хәбәр итә ТР Спорт министрлыгы матбугат хезмәте.

Шулай ук укыгыз

Барлык яңалыклар