Самавырдан чәй, әйлән-бәйлән һәм җәядән ату: Урицкий паркында «Алма спасы»н билгеләп үтәчәкләр

Һөнәрчеләр ярминкәдә саклагыч-бөтиләр һәм тукыма курчаклар тәкъдим итәчәк

Фото: Денис Гордийко

(Казан шәһәре KZN.RU, 9 нчы август). Урицкий исемендәге пакрта 19 нчы августта X «Алма спасы» фестивале узачак. Бәйрәм мәйданчыгында һөнәрчеләр ярминкәсе, мастер-класслар, фольклор коллективлары чыгышлары, халык уеннары оештырылачак.

Һөнәрчеләр ярминкәсендә кунаклар авторлык тукыма курчаклар һәм саклагыч-бөтиләр, кулдан эшләнгән агач һәм күн әйберләрен сатып ала, шулай ук балчыктан сувенир рәсеме, күн беләзек ясау, бәйләү һәм башка осталык дәресләрендә катнаша ала. Чара 11:00 сәгатьтә башлана.

13:00 сәгатьтә концерт программасы башлана. Тамашачыларны Казан, Әлмәт, Мөслим районнары һәм күрше төбәкләрдән фольклор коллективлары чыгышлары көтә. Алар «Мәскәү» мәдәни үзәге инициативасы буенча 10 нчы тапкыр Урицкий исемендәге паркта җыелачаклар.

Шулай ук программада – халык уеннары һәм күңел ачулар, әйлән-бәйлән, җәядән ату, борынгы рус каллиграфиясе буенча мастер-класс. Бәйрәмдә авыл көнкүреше почмаклары ясалачак һәм самавырдан чәй эчеп карарга мөмкин булачак, дип хәбәр иттеләр шәһәр Башкарма комитетының Тел культурасы өлкәсендә милли сәясәтне гамәлгә ашыру бүлегендә.

Шулай ук укыгыз

Барлык яңалыклар