Сәгатьләр, телефоннар, аяк киеме һәм күзлекләр: июль-август айларында Казан метросы пассажирлары 400 дән артык әйбер калдырган

«Югалтулар»ның 85% ы хуҗаларына кайтарылган

Башкала метросы поездларында июль-августта казанлылар 400 дән артык әйбер калдырган. Бу хакта «Метроэлектротранс» МУП матбугат хезмәте хәбәр итә. «Югалтулар»ның 85% ы оныткан хуҗаларына кайтарылган.

Пассажирлар еш кына балалар велосипедларын, бизәнү әйберләрен калдыра. Моннан тыш, вагоннарда сәгатьләр, телефоннар, документлар, банк карталары, алкалар, беләзекләр, ачкычлар, күзлекләр, азык белән сумкалар, рюкзаклар, зарядкалар, аяк киеме һәм баш киемнәре онытыла.

Югалу турында 8(843)533-70-61 телефоны буенча шалтыратырга мөмкин.

Диспетчер хезмәтләре телефоннары: метро – 8(843)533-70-61;

Трамвай – 8(843)273-93-84;

1 нче троллейбус депосы – 8(843)570-91-13;

2 нче троллейбус депосы - 8(843)277-05-83.