Казансу акваториясенең бер өлеше суднолар хәрәкәте өчен ябылачак

Казансу акваториясенең бер өлеше суднолар хәрәкәте өчен ябылачак

<p> </p> <div class="detail-picture"> <img src="https://kzn.ru/upload/iblock/4b8/4b837cd3ec12bf1dfae43d676199ecbc.jpg"> <p class="detail-picture__caption"> Фото: Денис Гордийко </p> </div> (Казан шәһәре KZN.RU, 23 нче июнь). Татарстан башкаласында кечкенә суднолар хәрәкәте өчен Кремль дамбасыннан алып «Миллениум» күперенә кадәр Казансу акваториясенең бер өлеше ябылачак. Бу триатлон буенча ярышлар уздыру белән бәйле. Тиешле <a target="_blank" href="https://pravo.tatarstan.ru/npa_kabmin/post/?npa_id=1222006">карарны</a> ТР Премьер-министры Алексей Песошин имзалаган. <p> </p> <p> Тыюлар 8 нче июльдә 9:00 сәгатьтән 18:00 сәгатькә кадәр һәм 9 нчы июльдә 7:00 сәгатьтән 15:00 сәгатькә кадәр гамәлдә булачак. Чикләү гидроциклларга, байдаркаларга, ишкәкле көймәләргә, шулай ук җилкәнле, йөрү һәм спорт судноларына кагыла. Тыю ярышларны әзерләүдә һәм үткәрүдә катнашачак көймәләргә кагылмаячак. </p> <p> Исегезгә төшерәбез, триатлон буенча Россия беренчелегенә әзерлек һәм аны уздыру көннәрендә Казанда С.Хәким урамында һәм «Казан» гаилә үзәге янындагы парковкада транспорт хәрәкәте чикләнәчәк. Ярышлар 9 нчы июльдә узачак. Ярышларда катнашучыларга 5 км йөгерергә, 750 метр йөзәргә һәм 20 км велосипедта йөрергә туры киләчәк. Теркәлү 2 нче июльгә кадәр <a target="_blank" href="https://orgeo.ru/event/29073">ачык</a>. </p>

2023-06-23T16:51:42+0300