«Үз-үзеңә туры килергә. Графика+»: шәһәрлеләрне вернисажга чакыралар

Александр Артамоновның шәхси күргәзмәсе 3 апрельдә заманча сәнгать галереясендә ачыла

3 апрельдә ТР башкаласында яшәүчеләрне һәм кунакларны Александр Артамоновның «Үз-үзеңә туры килергә. Графика+» шәхси күргәзмәсе ачылышына чакыралар. Заманча сәнгать галереясендә рәссамның 60тан артык график әсәре тәкъдим ителәчәк, дип хәбәр иттеләр ТР Дәүләт сынлы сәнгать музее матбугат хезмәтендә

Останың көнбатыш һәм көнчыгыш мәдәни кодларын, классиканы һәм авангардны берләштергән эшләре рәссамның якты шәхсилеген ача. Аның әсәрләре гравировка техникасының киң спектры ярдәмендә иҗат ителгән – офорттан һәм аның төрләреннән алып линогравюра һәм каллиграфиягә кадәр.

Кунакларны пәнҗешәмбе көнне 16:00 сәгатьтә Карл Маркс урамындагы 57 йорт адресы буенча көтәләр. Вернисажга керү ирекле.

Исегезгә төшерәбез, Александр Артамонов — Россия Сәнгать академиясенең мактаулы әгъзасы, ТР атказанган сәнгать эшлеклесе, төрле академик һәм иҗади бүләкләр иясе, күпсанлы төбәк, халыкара, чит ил күргәзмәләрендә катнашучы. 2010 еллар башыннан рәссамның иҗади һәм оештыру эшчәнлеге күбесенчә Казанда һәм Татарстанда графика сәнгатенең үсешен билгели.

Шулай ук укыгыз

Барлык яңалыклар