Казан шәһәре муниципаль берәмлегенең документлары һәм хокукый актлары җыентыгының 9 нчы номеры басылып чыгачак

Электрон версия порталга пәнҗешәмбе көнне урнаштырыла

Фото: Денис Гордийко

Казан шәһәре муниципаль берәмлегенең 2024 елның 7 нче мартындагы 9 (740) нчы номерлы Документлар һәм хокукый актлар җыентыгында шәһәр хакимиятенең Казан шәһәр Думасының «Казан шәһәренең Җирдән файдалану һәм төзелеш кагыйдәләренә урам-юл челтәре ярдәмче зонасы (УДС) чикләрен үзгәртү өлешендә үзгәрешләр кертү турында»гы карары проекты буенча Казанда җәмәгатьчелек белән фикер алышуларны билгеләү; Казан шәһәре Вахитов районының Маяковский урамындагы территорияне ызанлау проектын раслау; Казан шәһәре Киров районы администрациясе башлыгының 2003 елның 4 мартындагы 280 нче номерлы «Аккош урамында урнашкан 12 нче номерлы җир кишәрлеген торак йорт өчен шәхси милеккә тапшыру турында»гы карарына үзгәрешләр кертү; 16:50:080212:24 кадастр номерлы җир кишәрлеген һәм Авангард урамындагы 54 нче йорт бүлмәләрен мәҗбүри алу турында һ.б. карарлары һәм хәбәрләре урнаштырылачак.

Казан шәһәре муниципаль берәмлеге Документлар һәм хокукый актлар җыентыгының архив чыгарылышларын Казанның теләсә кайсы шәһәр китапханәсендә табып була.

Яңа чыгарылышны, шулай ук узган атнада чыккан санны «Горпечать» киоскларында сатып алырга мөмкин.

Басмага теләсә кайсы почта бүлеге аша (язылу индексы П2266), шулай ук «Урал-Пресс Казан» ҖЧҖ альтернатив язылу һәм китереп бирү хезмәте +7(843)204-14-93, +7(843)204-14-95, +7(843)204-16-20 телефон номеры аша язылырга мөмкин.

Җыентыкка кагылган барлык сораулар белән sbornik_kgoc@mail.ru электрон почтасына яисә +7(843)299-18-72 телефон номерына мөрәҗәгать итүегез сорала.

Шулай ук укыгыз

Барлык яңалыклар