Казан шәһәре муниципаль берәмлегенең Документлар һәм хокукый актлар җыентыгының 19 нчы номеры басылып чыгачак

Электрон версия порталга пәнҗешәмбе көнне урнаштырыла

Фото: Денис Гордийко

Казан шәһәре муниципаль берәмлегенең 2024 елның 23 нче маендагы 19 (750) нчы номерлы Документлар һәм хокукый актлар җыентыгында шәһәр хакимиятенең Казан шәһәре Вахитов районының 2 нче Привольная урамындагы территорияне ызанлау проектын әзерләү; Горький Шоссесы урамындагы күпфатирлы 23 нче йортны авария хәлендә һәм сүтелергә тиеш дип тану; Казан шәһәре Мәскәү районының Декабристлар урамы, Восстания урамы, Ибраһимов проспекты, Гагарин урамы буенча ачык сервитут билгеләү; 2024 елның җәйге чорында Казанның су объектларында кешеләрнең иминлеген тәэмин итү буенча чаралар оештыру; Казан шәһәре территориясендә рөхсәтсез куелган һәм законсыз урнаштырылган күчемле милек объектларын сүтү һәм күчерү турында һ.б. карарлары һәм хәбәрләре урнаштырылачак.

Казан шәһәре муниципаль берәмлегенең Документлар һәм хокукый актлар җыентыгының архив чыгарылышларын шәһәр китапханәләрендә табарга мөмкин.

Җыентыкның яңа чыгарылышы, шулай ук узган атнада чыккан саннар шәһәрнең газета киоскларында сатыла.

Басмага теләсә кайсы почта бүлегендә (язылу индексы П2266), шулай ук «Урал-Пресс Казан» ҖЧҖ альтернатив язылу һәм китереп бирү хезмәтенең +7(843)204-14-93, +7(843)204-14-95, +7(843)204-16-20 телефон номерлары аша язылырга була.

Җыентыкка кагылышлы барлык сорауларны sbornik_kgoc@mail.ru электрон почтасына җибәрә яки +7(843)299-18-72 телефон номерына шалтыратып калдыра аласыз.

Шулай ук укыгыз

Барлык яңалыклар