Казан шәһәре муниципаль берәмлегенең документлары һәм хокукый актлары җыентыгының 10 нчы номеры басылып чыгачак

Электрон версия порталга пәнҗешәмбе көнне урнаштырыла

Фото: Денис Гордийко

Казан шәһәре муниципаль берәмлегенең 2024 елның 14 нче мартындагы 10 (741) нчы номерлы Документлар һәм хокукый актлар җыентыгында шәһәр хакимиятенең Казан шәһәре Вахитов районындагы Һади Такташ урамы буенча территорияне ызанлау проектын әзерләү; «Диалоглар. Язгы очрашулар» архитектура-шәһәр төзелеше конференциясен үткәрү; Сул як Болак урамындагы автомобиль юлы буенча хәрәкәтне вакытлыча чикләү; Казан шәһәренең урам-юл челтәрендә юл хәрәкәтен оештыруны үзгәртү һ.б. турында карарлары һәм хәбәрләре урнаштырылачак.

Казан шәһәре муниципаль берәмлеге Документлар һәм хокукый актлар җыентыгының архив чыгарылышларын Казанның теләсә кайсы шәһәр китапханәсендә табып була.

Яңа чыгарылышны, шулай ук узган атнада чыккан санны «Горпечать» киоскларында сатып алырга мөмкин.

Басмага теләсә кайсы почта бүлеге аша (язылу индексы П2266), шулай ук «Урал-Пресс Казан» ҖЧҖ альтернатив язылу һәм китереп бирү хезмәте +7(843)204-14-93, +7(843)204-14-95, +7(843)204-16-20 телефон номеры аша язылырга мөмкин.

Җыентыкка кагылган барлык сораулар белән sbornik_kgoc@mail.ru электрон почтасына яисә +7(843)299-18-72 телефон номерына мөрәҗәгать итүегез сорала.

Шулай ук укыгыз

Барлык яңалыклар