Казанның ашыгыч ярдәм бригадалары юл-транспорт һәлакәтләре урыннарына узган атнада 33 тапкыр барган

Казанның ашыгыч ярдәм бригадалары юл-транспорт һәлакәтләре урыннарына узган атнада 33 тапкыр барган

<p> </p> <div class="detail-picture"> <img src="https://kzn.ru/upload/iblock/2f4/2f4bcd81b97c151e45e8bcdf9554f245.jpg"> <p class="detail-picture__caption"> Фото: Денис Гордийко </p> </div> Узган атнада, 29 нчы гыйнвардан 4 нче февральгә кадәр, Казанның ашыгыч ярдәм хезмәте 7431 тапкыр чакырылган, шул исәптән 1174 е – җәмәгать урыннарына.<br> <p> </p> <p> Иң күп тапкыр (6688) табиблар төрле авырулар аркасында чакырылганнар. 95 чакыруның сәбәбе – баш мие кан әйләнеше бозылу, тагын 37 сенеке – кискен миокард инфаркты. Табиблар бала табу очракларына 72 тапкыр барганнар. </p> <p> Бәхетсезлек очракларында ашыгыч ярдәм бригадалары 671 тапкыр кирәк булган. Юл-транспорт һәлакәте урыннарыннан 33 шалтырату килгән. Аварияләрдә 34 кеше зыян күргән, шуларның 17 се дәвалау учреждениеләренә китерелгән. Өч кеше һәлак булган. Янгынга табиблар 11 тапкыр барган, бер кеше зыян күргән. </p> <p> Узган атна белән чагыштырганда, үтәлгән шалтыратулар саны бәхетсезлек очраклары һәм бала табу очраклары хисабына 69 га артты, дип хәбәр иттеләр Казанның «Ашыгыч медицина ярдәме станциясе» дәүләт автоном сәламәтлек саклау учреждениесендә. </p>

2024-02-05T17:33:10+0300