Бомбинг, Octagon системасы буенча баттллар һәм акробатик рок-н-ролл: Казанда чираттагы «Мәдәни мохит» узачак

Бомбинг, Octagon системасы буенча баттллар һәм акробатик рок-н-ролл: Казанда чираттагы «Мәдәни мохит» узачак

<p> <img width="870" src="https://www.kzn.ru/upload/iblock/14d/DSC_9312.jpg" height="653"><br> </p> <p> (Казан шәһәре KZN.RU, 12-нче август). Чираттагы «Мәдәни мохит» бу чәршәмбе, 14-нче августта, Казанда «Әкият» курчак театры каршындагы мәйданда узачак. Шәһәр халкына һәм Татарстан башкаласы кунакларына кызыклы мастер-классларга һәм активлыкларга кушылырга тәкъдим итәләр. </p> <p> Алар арасында «Аппликация. Кәгазьдән минималистик пейзажлар» дигән мастер-класс булачак, анда теләгән һәркем полигональ пейзаж кебек аппликация төрен үзләштерә алачак. Рәсем сәнгатен яратучылар өчен пуантилизм буенча лекция үткәрәчәкләр, шуннан соң катнашучылар үз көчләрен бу жанрда сынап карый алачаклар. </p> <p> Икенче мәйданчыкта Казан граффити мәктәбен тәкъдир итәчәкләр һәм аның укытучыларыннан мастер-класс узачак. Алар граффити тарихы, бомбинг һәм мурал кебек урам сәнгатенең төрләре, аларның үзенчәлекләре һәм техник кыенлыклары турында сөйләячәкләр. </p> <p> Шуңа охшаш атмосфера бию юнәлешендә Россия чемпионнары һәм Европа призерларыннан брейк-данс буенча мастер-классларда да хөкем сөрәчәк. Мастер-класстан соң катнашучылар брейкингта көч сынашачаклар һәм Octagon системасы буенча баттлда җитезлеккә, координациягә һәм осталыкка сынаулар узачаклар. </p> <p> Моннан тыш, хәзерге «Мәдәни мохит»тә акробатик рок-н-ролл, мускулларны ныгыту һәм йомшарту - стрейчинг техникасы, шулай ук халык һәм заманча бию юнәлешләре белән танышырга мөмкин булачак. </p> <p> Музыкадагы яңа юнәлешләр белән танышырга теләүчеләрне Тимур Мөҗәвитов һәм Ренат Яруллинның «Дубль» поп-джаз дуэты һәм DJ Bulat Bubblegum көтә. </p> <p> «Умиление» гаилә, ана һәм балачакны яклау үзәге өчен аерым мәйданчык биреләчәк. Белгечләр биредә гаилә кыйммәтләренә багышланган агарту очрашулары, иҗади мастер-класслар, шулай ук хәйрия ярминкәсе уздырачак, аннан җыелган акчалар балалар һәм әниләр өчен приютка әверелгән «Бишек» социаль йортын үстерүгә тотылачак . </p> <p> Чаралар 16.00 сәгатькә планлаштырылган, дип хәбәр итә Мәдәният идарәсе. </p>

2019-08-12T15:13:21+0300