«Зур канатлар»: Казанда гаилә авиация фестивале узачак

Программада: самолетлар кору, лекторийлар һәм фотокүргәзмә

Иртәгә, 23 августта, «Крылья Советов» паркында «Зур канатлар» гаилә авиация фестивале узачак. Шәһәрлеләр өчен самолетлар төзү буенча мастер-класслар һәм тематик лекторийлар үткәреләчәк.

Бәйрәмдә шәһәр халкын Казанның Авиатөзелеш районы тарихына һәм хезмәт тормышына чумдырачаклар. Район тарихы турында «ЗАЗ сезнең өчен» Казанның совет чорына багышланган ретро-экскурсияләр проектының автордашы Илья Малышев сөйләячәк, ә Казан аэропорты һава диспетчеры Александр Афанасьев авиация турында лекция уздырачак.

Катнашучылар метр үлчәмендә лайнер һәм самолетларны кәгазьдән төзи алачак, ә аннары аларны җибәрү буенча чемпионатта катнаша алачак. Бу вакыйга белән беррәттән паркта районның архив һәм заманча сурәтләре төшерелгән фотокүргәзмә эшләячәк.

Бәйрәм сабын куыклары белән тәмамланачак. Ял көнен кызыклы итеп уздырырга теләүчеләрнең барысын да «Ракушка» җәйге эстрадасына чакыралар. Фестиваль 12:00 дән 16:00 га кадәр дәвам итәчәк, керү ирекле.

Шулай ук укыгыз

Барлык яңалыклар