Узган атнада Казан медикларын бәхетсезлек очракларына бер меңнән артык чакырганнар

Узган атнада Казан медикларын бәхетсезлек очракларына бер меңнән артык чакырганнар

<p> (Казан шәһәре KZN.RU, 27-нче август). 20-нче августтан 26-нчы августка кадәрге атнада Казанның ашыгыч ярдәм хезмәтенә 7214 чакыру килгән, 1403 очрагы җәмәгать урыннарына бару белән бәйле.<br> </p> <p> Төрле авырулар сәбәпле ашыгыч ярдәмгә 5500 казанлы мөрәҗәгать иткән. Аерым алганда, көчле миокард инфаркты буенча 47 очрак һәм мидәге кан әйләнеше бозылу буенча 188 очрак теркәлгән. Бала табу очраклары уңаеннан табибларга 87 чакыру килгән. </p> <p> 1054 чакыру бәхетсезлек очраклары белән бәйле. Юл-транспорт вакыйгалары белән бәйле очракларга 39 тапкыр чакыртылганнар, аларда 45 кеше зыян күргән, 21 кеше хастаханәгә озатылган. Янгын очракларына табиблар 28 тапкыр чакыртылган, биредә 1 кеше зыян күргән. </p> <p> Узган атна белән чагыштырганда, чакырулар саны 19-га арткан. Янгыннарга чакырулар саны 13-кә арткан, мидәге кан әйләнеше бозылу очракларына – 10-га. Юл-транспорт һәлакәтләренә чакырулар саны 18-гә кимегән, миокард инфаркты очракларына – 12-гә, бала табу очракларына – 3-кә. Җәмәгать урыннарына чакырулар саны 58-гә кимегән, дип хәбәр итә “Казанның ашыгыч медицина ярдәме станциясе” дәүләт автоном сәламәтлек саклау учреждениесе. </p>

2018-08-27T13:34:44+0300