Узган атнада Казанның ашыгыч ярдәм хезмәте 8,5 меңнән артык чакыру үтәде

3-нче февральдән 9-нчы февральгә кадәр табиблар бала табу очракларына 58 тапкыр чыктылар.

(Казан шәһәре KZN.RU, 10-нчы февраль). 3-нче февральдән 9-нчы февральгә кадәр Казанның ашыгыч медицина ярдәме 8528 чакыру үтәде, шулардан 1140-ы - җәмәгать урыннарына.

Иң күп чакырулар, 6938, төрле авырулар буенча башкарылды. Шуларның 187-сенә – баш мие кан әйләнешенең кискен бозылулары, ә 65-енә көчле миокард инфарктлары сәбәп булды. Бала табу очракларына табиблар 58 тапкыр чыктылар.

Бәхетсезлек очракларына табибларны 770 тапкыр чакырттылар, шуларның 43-е юл-транспорт һәлакәте урыныннан килде. Аварияләрдә 43 кеше зыян күрде, хастаханәләргә 21 кеше тапшырылды, 2 кеше һәлак булды. Моннан тыш, ашыгыч ярдәм 8 чакыруны янгын урыннарына үтәде, аларда 2 кеше зыян күрде, дип хәбәр иттеләр Казанның «Ашыгыч медицина ярдәме станциясе» дәүләт автономияле сәламәтлек саклау учреждениесендә.

Шулай ук укыгыз

Барлык яңалыклар