2019 елгы Казан марафонына бөтен республикадан 500-дән артык волонтер киләчәк

Аларга 16 яшьтән өлкәнрәк барлык теләүчеләр дә кушыла ала.

(Казан шәһәре KZN.RU, 28-нче февраль). 2019 елгы Казан марафонына бөтен республикадан 500-дән артык волонтер җәлеп ителәчәк. Волонтерларны сайлау март аенда башланачак, волонтерлар штабына 16 яшьтән барлык теләүчеләр дә кушыла алачак.

Волонтерлар эшенең төп юнәлешләре арасында – VIP-кунакларны һәм атаклы спортчыларны озата бару, туклану нокталарына хезмәт күрсәтү, старт пакетлары һәм футболкалар бирү, навигация һәм теркәлү һ.б. бар. Волонтерларны әзерләү өчен традицион рәвештә рекрутинг һәм тимлидерларны һәм серияле волонтерларны укыту үзәге эшләячәк, дип хәбәр итә оештыручылар. Катнашу өчен TIMERMAN спорт чаралары сериясенең timerman.org рәсми сайтында теркәлергә мөмкин.

Исегезгә төшерәбез, быел 4-5 майда Татарстан башкаласында узачак Казан марафонында катнашучылар яңа маршрут буенча йөгереп үтәчәкләр. Татарстан башкаласы өчен бу исәбе буенча бишенче марафон булачак. Йөгерештә катнашу өчен теләгән һәркем гариза бирә ала.

Шулай ук укыгыз

Барлык яңалыклар