Узган тәүлектә Казан урамнарыннан 5 мең тоннадан артык кар чыгарылган

Бүген көндез Казан урамнарын 470 юл эшчесе һәм 273 махсус техника берәмлеге җыештырачак.

(Казан шәһәре KZN.RU, 12-нче март). Узган тәүлек эчендә юл хуҗалыгы хезмәтләре Казан урамнарыннан 5085 тонна кар чыгарганнар. Казан урамнарын җыештыруга 562 юл эшчесе һәм 548 махсус техника берәмлеге, шул исәптән 156 катнаш юл машинасы, 13 кар төягеч, 112 трактор щеткасы, 16 грейдер, 69 фронталь төягеч, 51 "Барсик" мини-төягече, 120 үзбушаткыч һәм башка төр техника җәлеп ителгән.

Узган тәүлек эчендә юлларны эшкәртү өчен 23 тонна бозлавыкка каршы матдә кулланылган.

Бүген көндез урамнарны кардан чистартуга 470 юл эшчесе һәм 273 махсус техника чыгачак, дип хәбәр итә Тышкы төзекләндерү комитеты.

Кар юлларның түбәндәге өлешләреннән чыгарылачак: Айдаров, Батурин, Бауман, Беломорск, Васильченко, Вересаев, Давыдов, Даурия, Журналистлар, Карбышев, Короленко, Краснококшайская, Кремль, Гадел Кутуй, Лядов, Мәүлетов, Максимов, Нариманов, Окружная, Павлов, Париж Коммунасы, Петербург, Родина, Серов, Столяров, Ударная, Клары Цеткин, Ягодинская, Камалиев һәм Ямашев проспектлары, Ирек мәйданы, Мирный бистәсе. Моннан кала кар Девятаев, Парин, Татарстан урамнарыннан, Авиатөзелеш, Яңа Савин районнары тукталышларыннан, Юдино микрорайоныннан чыгарылачак.

Шулай ук укыгыз

Барлык яңалыклар