Казанның 5,5 меңнән артык укучысы БДИга кертелү өчен йомгаклау иншасы яза

Казанның 5,5 меңнән артык укучысы БДИга кертелү өчен йомгаклау иншасы яза

<p> </p> <div class="detail-picture"> <img src="https://kzn.ru/upload/iblock/815/2022_12_07-09_47_57.JPG"> <p class="detail-picture__caption"> Фото: Мәгариф идарәсе </p> </div> <p> (Казан шәһәре KZN.RU, 7 нче декабрь). Бүген Казанның 5,5 меңнән артык укучысы БДИга керү мөмкинлеге бирәчәк йомгаклау иншасын яза. ТР Мәгариф һәм фән министры урынбасары Минзәлия Закирова һәм шәһәр Башкарма комитетының Мәгариф идарәсе башлыгы Ирек Ризванов 177 нче номерлы лицейда барган процессны күзәттеләр. </p> <p> «Мәктәпне тәмамлаучы укучыларыбызга уңышлар һәм иң мөһиме борчылмауларын телим, барысы да һичшиксез килеп чыгачак. Үзегезгә һәм көчегезгә ышаныгыз», - дип мөрәҗәгать итте укучыларга Ирек Ризванов.  </p> <p> БДИга керү мөмкинлеген алу өчен, чыгарылыш сыйныф укучыларына иншаны уңышлы язарга кирәк. «Зачет булмаган» яки нигезле сәбәп белән килмәгән очракта, чыгарылыш сыйныф укучылары үз көчләрен 2023 елның 2 нче февралендә яки 4 нче маенда сынап карый алачак.  </p> <p> Быел иншалар өчен түбәндәге темалар тәкъдим ителә: «Кеше тормышында рухи-әхлакый ориентирлар», «Кеше тормышында гаилә, җәмгыять һәм ватан», «Кеше тормышында табигать һәм мәдәният».  </p> <p> Сәламәтлек мөмкинлекләре чикләнгән укчылар инша урынына изложение яза ала.  </p> <p> Барлык мәктәпләрдә дә аккредитация узган җәмәгать күзәтүчеләре – ата-аналар һәм педагогик җәмәгатьчелек – йомгаклау иншасын (изложениесен) уздыруның объективлыгын һәм тәртибен күзәтәләр, дип хәбәр иттеләр шәһәр Башкарма комитетының Мәгариф идарәсендә. </p>

2022-12-07T13:37:14+0300