Казанга Шахмат буенча Россия кубогы этабына бөтен илдән 400 дән артык спортчы киләчәк

Казанга Шахмат буенча Россия кубогы этабына бөтен илдән 400 дән артык спортчы киләчәк

<p> (Казан шәһәре KZN.RU, 30-нчы май). 1-9-нчы июнь көннәрендә Казанда Р.Г.Нәҗметдинов мемориалы – 9, 11, 13 һәм 15 яшькә кадәрге егетләр һәм кызлар арасында Шахмат буенча Россия кубогы этабы узачак. Ярышларда Россиянең 32 төбәгеннән 420 шахматчы катнашачак. </p> <p> Катнашучылар арасында - Мәскәү, Санкт-Петербург шәһәрләре, Мәскәү, Ленинград, Чиләбе, Ярославль, Төмән өлкәләре, Дагыстан Республикасы, Приморский һәм Алтай крае һәм башка төбәк спортчылары. </p> <p> Ярышлар Р.Г.Нәҗметдинов исемендәге Республика шахмат, шашка, го буенча олимпия резервы спорт мәктәбендә узачак. </p> <p> Турнирны ачу тантанасы 1-нче июньдә 10.00 сәгатьтә була. Уен турлары көн саен 10.00 сәгатьтә башлана, ә кубок этабын ябу 9-нчы июньдә 15.00 сәгатьтә узачак, дип хәбәр итә ТР Спорт министрлыгы матбугат хезмәте. </p>

2019-05-30T13:10:00+0300