Яңалыклар

23.07.2024, 15:23

Казанда 300 дән артык этне бушлай стерильләштерделәр һәм чиплаштырдылар

Акция ел ахырына кадәр дәвам итә – белгечләр якынча 3 мең йорт хайванын кабул итәргә планлаштыралар

ТР башкаласында май башыннан 304 этне бушлай стерильләштерделәр, аларның 128 е бу процедураны дәүләт ветеринария клиникаларында үтте. Бу турыда «Зооүзәк»нең матбугат хезмәте хәбәр итә.

Параллель рәвештә йорт хайваннары чиплаштыру да уза – бу авыртусыз процедура, җилкә калкымына шприц белән электрон чип кертүдән гыйбарәт. Ул югалган хайваннарны эзләп табуны җиңеләйтә.

Акция бу ел ахырына кадәр дәвам итәчәк. Бу вакыт эчендә белгечләр якынча 3 мең хуҗалары булган этләрне кабул итәргә планлаштыралар. 6 айдан өлкәнрәк хайваннар стерильләштерелергә тиеш.

Этләренә бушлай операция уздырырга теләүче казанлылар бу процедурага шәһәрнең дәүләт ветеринария клиникалары берләшмәсенең берәрсенә яки шәхси клиникага языла ала.

· Мәскәү районы клиникасы

Адрес: Декабристлар ур., 115 йорт

Телефон: +7(843)590-19-36

Эш вакыты: дүшәмбедән җомгага кадәр 8:00 – 19:00; шимбә һәм якшәмбе көннәрендә 9:00 – 14:00

· Авиатөзелеш районы клиникасы

Адрес: Побежимов ур., 2 йорт

Телефон: +7(843)571-38-10

Эш вакыты: дүшәмбедән җомгага кадәр 8:00 – 18:00; шимбә һәм якшәмбе көннәрендә 9:00 – 14:00

· Коры елга торак массивындагы пункт

Адрес: Малая Заречная ур., 15 йорт

Телефон: +7(917)890-07-86

Эш вакыты: дүшәмбедән җомгага кадәр 8:00 – 19:00; шимбә һәм якшәмбе көннәрендә 9:00 – 14:00

· Киров районы клиникасы

Адрес: 25 нче Октябрь ур., 2/7 йорт

Телефон: +7(843)555-02-08

Эш вакыты: дүшәмбедән җомгага кадәр 9:00 – 19:00; шимбә һәм якшәмбе көннәрендә 9:00 – 16:00

· Юдино участок ветеринария пункты

Адрес: Звенигород ур., 106 йорт

Телефон: +7(960)047-56-66

Эш вакыты: дүшәмбедән җомгага кадәр 8:00 – 17:00; шимбә һәм якшәмбе көннәрендә 9:00 – 13:00

· Вахитов һәм Идел буе районнары клиникасы

Адрес: Даурская ур., 32а йорт

Телефон: +7(843)298-53-02

Эш вакыты: дүшәмбедән җомгага кадәр 9:00 – 19:00; шимбә һәм якшәмбе көннәрендә 9:00 – 15:00

· Совет районы клиникасы

Адрес: Берьяклы Нокса ур., 2а йорт

Телефон: +7(843)234-75-61

Эш вакыты: дүшәмбедән җомгага кадәр 8:00 – 19:00; шимбә һәм якшәмбе көннәрендә 10:00 – 15:00

· Үзәк ветеринария клиникасы

Адрес: Шуртыгин ур., 4 йорт

Телефон: +7(843) 272-35-86

Эш вакыты: дүшәмбедән җомгага кадәр 8:00 – 19:00; шимбә һәм якшәмбе көннәрендә 9:00 – 15:00

· «Көчекләр патруле» приюты каршындагы «ВИЛЛЬ-ВЕТ» ветеринария клиникасы

Адрес: Җиңү проспекты ур., 30 йорт

Телефон: +7(843)290-10-00, +7(919)620-95-88

Эш вакыты: дүшәмбедән җомгага кадәр 10:00 –20:00; шимбә һәм якшәмбе көннәрендә 10:00 – 18:00

Исегезгә төшерәбез, «Казан – ташландык хайваннарсыз шәһәр» проектын гамәлгә ашыра башлаганнан бирле Татарстан башкаласында караучысыз этләр белән инцидентлар саны һәм халыкның агрессив хайваннар турындагы мөрәҗәгатьләре саны өчтән бер өлешкә диярлек кимегән.

2021 елдан 2023 елга кадәр ТСВЧ программасы аша (тоту, стерильләштерү, вакциналау һәм чыгару) 12213 эт узган. Хайваннарның күп өлеше элекке яшәү урыннарына кайтарылган, 972 эт гаиләләргә урнаштырылган, тагын 449 ы агрессив дип танылган һәм приютта яшәп калган.

Моннан тыш, республиканың ветеринария идарәсе «Зооүзәк» ҖЧҖ белән берлектә һәр ял саен алдан игълан ителгән адреслар буенча хуҗалары булган хайваннарга бушлай вакцинация оештыра. Акция башланганнан бирле 50 меңнән артык хайванга котырудан вакцина ясалган, 1 меңгә якын эт стерильләштерелгән. Барлыгы 25 меңнән артык хуҗасы булган стерильләштерелгән эт исәптә тора.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар